Kurt e Leiv son os nomes das borrascas que nestes últimos días nos zarandearon con ventos por riba por 100 km/h (nos peores casos con rachas mesmo preto dos 200) que deixaron un calamitoso ronsel de desperfectos. No Monte Pituco os efectos do vento aprécianse nalgunhas árbores tumbadas no chan ou violentamente tronzadas. A forza da natureza é extraordinaria! Ao seu carón somos ‘mingurrias’ e mal facemos ignorando o seu poder cando pretendemos modificar artificialmente os cursos naturais da auga, cando recheamos o mar, cando movemos as terras ao noso antollo… O medio natural sempre nos dará no fuciño, merecidamente.
Varios eucaliptos apareceron tumbados, coas raíces ao aire, nos matos a carón das veigas da Curxeira, entre O Caeiro e A Bouza
Na arboreda a carón do Monte Pituco algúns castiñeiros novos perderon a verticalidade
A pista forestal do Pituco, sementada de pólas, follaxe e carepas dos eucaliptos… esa praga!
No miradoiro do Pituco (Pornedo), a nubosidade segue sendo abundante e o vento, intenso
Algúns piñeiros menos, dobregados polo vendaval
Ata as acacias (outra praga máis!), tan aparentemente rexas, sucumbiron á forza do aire
DEFENDE O MONTE PITUCO (Pornedo) 
Deixar unha resposta