Publicado por: MontePituco | 19/09/2016

DESBROZAN AS MARXES DA PISTA DO MONTE PITUCO

Desbroce das marxes da pista forestal do Pituco.

Dende hai uns días a pista forestal do Monte Pituco presenta un aspecto ‘renovado’ tralos traballos de desbroce realizados con medios mecánicos en ambas marxes do camiño. 

A diferenza doutros anos nos que se ten cometido a imprudencia de realizar esta actuación en plena vaga de calor, co terreo e coa vexetación extremadamente afectados pola seca -co que isto implica no elevado risco de incendios-, nesta ocasión estas labores cadraron con temperaturas moderadas e tendo pasado uns días dende que caeron precipitacións que contribuíron en parte a refrescar un pouco o ambiente neste verán que pasará aos rexistros históricos por ser dos máis cálidos dos últimos anos.

Desbroce das marxes da pista forestal do Pituco.

O que seguramente lle pagaría moito a pena á directiva da Comunidade de Montes de San Xulián sería ter supervisado ao pé do terreo o desenvolvemento das manobras de desbroce para comprobar que se realizaban con plenas garantías. 

Independentemente de que tal vez con maquinaria tan pesada non é doado traballar con demasiada precisión, cabe salientar a cantidade de árbores que resultaron con ‘feridas’ no seu tronco a consecuencia das coitelas do brazo articulado co que se esgaza, corta e tritura a materia vexetal rozada. 

En todo caso, o máis destacable no resultado destas labores de desbroce é -ao noso modesto modo de ver- a cantidade de materia vexetal -pólas e troncos de árbores, restos de xestas e mesmo pedras tronzadas dos taludes- que quedaron tirados no rego lateral esquerdo, en dirección ascendente. Por esta canle de terra é por onde discorren maiormente as augas pluviais, de aí a importancia de que estea o máis limpa posible para que poida evacuar a auga que baixa con forza pola incidencia da pendente natural do monte.

Se estes regos se atascan con materia vexetal ou pedras, o que sucederá é que a auga rebordará da canle e acabará formando un torrente polo medio e medio da pista, erosionando o firme e deixando o vial impracticable. Quedaría así ao descuberto a rocha nai que hai no subsolo, máis todos os residuos -restos de obra, anacos de asfalto que foron depositaron os desaprensivos en sucesivos recheos, residuos de orixe variopinta e mesmo a mangueira que conduce a auga dende o manancial ata o depósito que abastece a veciñanza da Laxe, que ata hai ben pouco estaba á vista-.

Desbroce das marxes da pista forestal do Pituco.

Desbroce das marxes da pista forestal do Pituco.

Desbroce das marxes da pista forestal do Pituco.

Desbroce das marxes da pista forestal do Pituco.

Quen poida achegarse polo Monte Pituco apreciará que, en efecto, a pista ampliou notablemente a súa superficie porque os operarios das máquinas foron mesmo xenerosos no seu quefacer, e extenderon o brazo articulado ata espazos onde as desbrozadoras non se tiñan adentrado en anteriores operativos, máis superficiais.

Iso non quita que, quen se considere perfeccionista e detallista, bote en falta un “repaso” con medios humanos e unhas poucas ferramentas para ‘raspillar o máis gordo’ que quedou atrás, retirar os restos vexetais do rego principal e amorealos para ser desmenuzados.

Desbroce das marxes da pista forestal do Pituco.

Desbroce das marxes da pista forestal do Pituco.

…Sobre todo, porque se trata dunha medida perfectamente asequible, que non cómpre extender a todo o trazado da pista, senón tan só a treitos puntuais onde había máis concentración de xestas e de especies invasoras, como pequenas acacias. Quitando eses puntos máis sensibles, o estado da pista en xeral xa era relativamente aceptable. 

Ogallá se puidera completar esta actuación con ese “repaso” preventivo, antes de que cheguen as chuvias intensas e continuadas do outono e do inverno, e que a pista do Pituco estea a punto para superar as inclemencias do tempo que nos agardan para os vindeiros meses. 

Desbroce das marxes da pista forestal do Pituco.

Desbroce das marxes da pista forestal do Pituco.

 


Responses

  1. […] dende os meses de setembro e outubro se viña traballando na mellora da pista, desbrozando os taludes laterais, limpando os […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

w

Conectando a %s

Categorías

%d bloggers like this: