Publicado por: MontePituco | 29/06/2016

RECINTO BIOSAUDABLE (E CON VISTAS) NO CASAL

20160625_175123

Se hai uns días dabamos conta e aplaudiamos o adecentamento da arboreda a carón do Monte Pituco, tralos traballos de desbroce e control da vexetación encargados pola Comunidade de Montes de San Xulián, que lle devolven a este espazo a súa utilidade como merendeiro e área de descanso, có mpre destacar que nos arredores do Pituco hai outro enclave de interese para a veciñanza da contorna.

Trátase do recinto -dos denominados comunmente como ‘biosaudables’- situado a carón da pista de acceso ao Casal, A Laxe e Arealonga, onde se instalaron aparellos para o exercicio físico. Delimitado por un valado de madeira, no seu interior hai bancos e varios elementos de ximnasia: entre eles o coñecido como ‘timón’, para fortalecer a musculatura e as articulacións dos ombros; outro do estilo dunha bici estática para pedalear e exercitar os xeonllos; unha máquina que imita os movementos da práctica do esquí que favorece a axilidade da cadeira, da columna e a musculatura lumbar e abdominal…

Un pequeno ximnasio ao aire libre, coa vantaxe de practicar deporte gozando ao mesmo tempo das vistas da ría, mais coa desvantaxe da falta de sombra e do risco de insolación e queimaduras solares nas horas centrais do día.

En cambio, nas primeiras horas da mañá e nas últimas da tarde é un sitio moi recomendable para dedicar un momento a tonificar o corpo, estimular a flexibilidade e mellorar a mobilidade.

Este equipamento foi financiado -a través da Xunta e do Ministerio de Agricultura, Alimentación e Medio Ambiente- con fondos europeos Feader, co curioso epígrafe “Mellora dos espazos adicados á infancia no rural”, malia que o público destinatario destes trebellos non son tanto nenos e nenas -máis afeccionados nesas idades aos tobogáns e os columpios- senón as persoas adultas e mesmo maiores de 60 anos. 

Espazo biosaudable no Casal


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: