A Plataforma en Defensa dos Montes do Morrazo pecha a súa tempada de andainas cun roteiro polos montes da parroquia marinense de San Xulián. Sairá o vindeiro sábado 9 de xullo dende o adro da igrexa de San Xulián ás 18:00 horas. Está pensada para podermos gozar do solpor dende o alto do Pornedo, o ‘balcón da ría’, e para poder dar a coñecer unha parte do amplo catálogo de gravados rupestres catalogados que existen nestas paraxes. Así, visitaremos algunhas estacións dos complexos rupestres de Champás, A Carrasca, Sete Camiños e Pornedo.
Tamén atenderá a biodiversidade da zona, con espazos ben diferenciados: dende a ribeira do rego de Castiñeiras ou o curso do rego da Grela, ata a matogueira no val do Pornedo, pasando por pequenas brañas que dan conta da riqueza hidrolóxica dos montes de San Xulián.
“Digitalis purpurea” ou estalote
Rego de Castiñeiras
“Osmunda regalis”, ou fento real, dentabrú
‘Silla’ de Champás
Plebejus argus
Gravado ‘moderno’ de José Meijón afectando parcialmente o conxunto rupestre da Carrasca nº5
Filamentos de semente de eucalipto no conxunto rupestre da Carrasca nº4
Consérvanse numerosos topónimos tradicionais alusivos a nomes de plantas -fitotopónimos-. A “erica umbelata” ou carrasco, medra -precisamente- a carón das estacións do conxunto rupestre da Carrasca
[…Agora xa non está]
Pequena braña formada nunha corrente de auga
Conxunto rupestre da Carrasca nº1
“Rhinocoris iracundus”, ou chinche asasina
“Trifolium arvense” ou pé de lebre
“Silene nutans”
Petroglifos de Sete Camiños
Conxunto rupestre do Pornedo nº1
Solpor dende o miradoiro do Pornedo
DEFENDE O MONTE PITUCO (Pornedo) 
[…] artigo titulado “O que veremos na ruta do 9 de xullo por San Xulián” hai unha ampla galería de imaxes dalgúns espazos que se visitarán, así como dos […]
By: 9 DE XULLO, ROTEIRO POLOS MONTES DE SAN XULIÁN ATA O PORNEDO | DEFENDE O MONTE PITUCO (Pornedo) on 22/06/2016
at 14:39
[…] Braña na zona entre Carrasca, Champás e Pornedo Braña na zona entre Carrasca, Champás e Pornedo Neste 2 de febreiro celébrase o Día dos Humidais. No Monte Pituco non temos grandes superficies de braña, que si se atopan no ámbito que abrangue o Monte Pituco e o resto do monte comunal de San Xulián ata as zonas onde se atopan os xacementos rupestres da Carrasca e de Champás …Pero no Monte Pituco si temos varios mananciais naturais no subsolo que abastecen as aldeas da Pena, do Caeiro, do Casal, da Laxe… Non queremos que ningún polígono industrial veña ‘rebentar’ as entranas destas terras. Non queremos que dinamiten un territorio habitado dende polo menos a Idade do Bronce e con numerosas mostras de arte rupestre que sobreviviron ao longo de milleiros de anos. Non queremos que estraguen o ‘balcón da ría’ con ruídos e cheiros. Non queremos que sementen de asfalto e formigón un val onde medra a matogueira. Queremos que o Monte Pituco siga pertencendo ao Espazo Natural dos Montes do Morrazo e que sexa respectado como tal. […]
By: DÍA DOS HUMIDAIS | DEFENDE O MONTE PITUCO (Pornedo) on 02/02/2017
at 19:58