Publicado por: MontePituco | 25/04/2016

AMIG@S DO BALCÓN DA RÍA (IV)

Foto: Damián Pereira

Xa facía tempo (máis dun ano) que tiñamos en mente visitar o ‘balcón da ría’ de Monte Pituco pero’ entre unhas cousas’ e outras Carmen-Carmiña-Carmela e mais eu non conseguiamos acercarnos.
Por fin, case de casualidade, achegámonos o vernes 21 de abril e marchamos encantados. Non só polas fermosas vistas sobre a ría de Pontevedra, senón pola panorámica do entorno, de 360°, que conxunta mar e monte, rural e urbano.
Xa no ascenso puidemos ver plantas como Potentilla erecta (solda brava), senón que no ‘balcón’, ademáis da vista, fomos recibidos por dúas especies de lepidópteros: macaón (Papilio machaon) e chupaleites (Iphiclides podalirius). 
Puidemos observar a sempre curiosa planta parásita barba do raposo (Cuscuta epythymun), herba piolleira (Pedicularis sylvatica), e tivemos a sorte de atopar unha ooteca de Mantis. E así poderiamos seguir nunha longa lista da gran diversidade do entorno do Monte Pituco. 
Achegámonos aos gravados rupestres, compartidos cos de Pepito Meijón, onde un escarabello se paseaba por enriba deles.
Só podemos dicir que voltaremos a este fermoso sitio onde a tranquilidade, a historia, a natureza e as fermosas vistas, se conxugan para deter o tempo e dánnos ganas de quedar aló para sempre.

[Texto e fotos: Damián Pereira Pazos]

Foto: Damián Pereira

Petroglifos do Pornedo

Foto: Damián Pereira

Solda brava

Foto: Damián Pereira

Herba piolleira

Foto: Damián Pereira

Chupaleites

Foto: Damián Pereira

Macaón

Foto: Damián Pereira

Escarabello

Foto: Damián Pereira

Ooteca de mantis

Foto: Damián Pereira

Panorámica dende o miradoiro do Pornedo

Dende a Asociación Monte Pituco, moitas grazas a Damián e a Carmela por visitar o ‘balcón da ría’. Abofé, non será nin a primeira nin a última visita. Agardamos acompañalos nunha próxima andaina para aprender dos seus coñecementos sobre bioloxía, para seguir ampliando a nosa bagaxe sobre a rica variedade de fauna e flora do monte. Ata pronto, amig@s!


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: