A Plataforma en Defensa dos Montes do Morrazo organiza este domingo, 24 de xaneiro, unha ruta para dar a coñecer a importancia natural, paisaxística e cultural do espazo natural de Outeiro de Campolongo e Monte Cernello, entre as parroquias marinenses de Piñeiro e Ardán.
Esta primeira andaina do inverno será circular, con saída ás 11:oo horas do Igrexario de Santo Tomé, para chegar ás 14:00 horas ao mesmo punto.
O percorrido discorrerá por vías rurais, pista forestal, corredoiras e camiños de pé ao longo dos lugares de Monte Cernello, Outeiro de Campolongo e Montes de Allariz, bordeando as concas de nacemento do rego das Gorgadas e do rego de Maceiras, que son afluentes do río Loira.
DEFENDE O MONTE PITUCO (Pornedo) 
Deixar unha resposta