Publicado por: MontePituco | 02/05/2015

SEGUEN INSTALANDO A SINALIZACIÓN DO ESPAZO SETE CAMIÑOS

Os técnicos da empresa arqueolóxica A Citania continúan traballando na instalación da sinaléctica no Espazo Natural e Arqueolóxico dos Sete Camiños. Nos últimos días actuaron no Alto do Pornedo, onde xa están colocados os postes indicativos no miradoiro natural do Pornedo e diante duns gravados modernos de José Meijón.

Dende a Comunidade de Montes de San Xulián infórmannos de que a inauguración do Espazo Natural e Arqueolóxico dos Sete Camiños está máis preto ca nunca, e quizais para dentro de aproximadamente quince días poderíase estrear cunha gran andaina organizada conxuntamente polas comunidades de montes -Salcedo, Lourizán e San Xulián- implicadas no desenvolvemento desta iniciativa que a Asociación Monte Pituco, xunto cunha vintena de colectivos do ámbito do Morrazo e de Pontevedra, levamos anos apoiando.

Sopran aires de cambio na parroquia de San Xulián, ventos de esperanza moi necesarios e moi merecidos, despois de tanto esforzo. Os tempos son chegados!

Sinaléctica nos gravados de José Meijón.

Sinaléctica no miradoiro do Pornedo

Sinaléctica marcando a continuación da ruta.

Nos próximos días instalarase un panel informativo a carón do conxunto rupestre do Pornedo que, como nos comentou un dos técnicos de A Citania, é “do mellor” que ten este roteiro. De momento, xa recurtaron algunhas pólas do piñeiro que medrou a carón da laxe…

Pendentes da sinalización do conxunto rupestre do Pornedo.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: