Anunciamos con moita ledicia que a empresa de arqueoloxía A Citania xa comezou a instalar a sinalización dos elementos que conforman o Espazo Natural e Arqueolóxico dos Sete Camiños. Cómpre eloxiar especialmente o material elixido para os soportes, en madeira pulida e tratada, cuns rótulos sinxelos e de simboloxía clara.
Moitos parabéns!
Que duren!
Que a veciñanza os respete!
Que sirvan para atraer moitos visitantes ao monte!
Estamos asistindo á culminación dun soño do que a Asociación Monte Pituco foi partícipe, modestamente, e que atopou o impulso necesario no apoio das Comunidades de Montes de Salcedo e de Lourizán, ás que tamén se acabou sumando a Comunidade de Montes de San Xulián. Moitas grazas aos colectivos sociais, culturais e ambientais que apoiaron esta iniciativa nos seus inicios, e aos arqueólogos/as que avalaron as actuacións propostas.
DEFENDE O MONTE PITUCO (Pornedo) 
Deixar unha resposta