DEFENDE O MONTE PITUCO (Pornedo)

Na arboreda do Monte Pituco, a carón do cruce do Regueiriño. O punto de encontro “oficial” das andainas polo Monte Pituco.

Dando os primeiros pasos, pola pista forestal do Monte Pituco.

No sendeiro a carón da antiga área de lecer.

As xestas xa están amarelas. “Aí vén o maio…”

Falando da importancia dos abundantes mananciais naturais desta zona, que abastecen de auga para consumo doméstico e de regadío as vivendas próximas.

No nacemento do rego das Presas.

Malia a forte pendente do terreo, cómpre insistir en que esta zona está AFECTADA por un proxecto de polígono industrial de 332.000 metros cadrados.

Recuperando antigos camiños que atravesan o monte.

Nunha pista forestal de recente creación, que soterrou un antigo camiño de carro. Craso erro da Comunidade de Montes. O patrimonio etnográfico tamén conta!

Mica e feldespato. Toda a contorna é tamén abundante en rocha metamórfica.

A carón da chamada Fonte das Pulgas, falando da ouca, tamén coñecida como herba da prata.

Ouca, herba da prata.

A carón do Outeiro de Cerqueiras.

No Outeiro de Cerqueiras, outra mostra do importante desnivel do terreo, e da súa composición granítica. Non en van, este punto foi unha das moitas canteiras que houbo na zona.

Na encrucillada dos Sete Camiños, no linde entre San Xulián (Marín), Salcedo e Lourizán (Pontevedra).

Na mámoa dos Sete Camiños.

Entrando noutra parte do roteiro: a zona rica en patrimonio rupestre.

…Bo proveito, señora araña!

Gravados rupestres dos Sete Camiños, con motivos zoomorfos.

Excelentes vistas á ría dende o punto no que se localizan os petroglifos dos Sete Camiños. Conectados visualmente tamén con Penizas (castro da Subidá).

O mediodía, co sol no alto, non é o momento óptimo para ver arte rupestre. Recomendamos acudir a este enclave na hora do solpor, coa luz rasante, para apreciar as formas en todo o seu esplendor.

Foto da “familia” de amig@s do Monte Pituco (Pornedo).

Falando da flora pioneira das rochas e dos liques.

As marcas das cuñas dos canteiros nas pedras do Monte Pituco tamén forman parte da nosa historia colectiva.

Rematando a andaina, co “premio” das vistas marabillosas da ría, nun día solleiro e coa agradecida brisa do mar.

…No balcón da ría!

Ata a próxima andaina. Moitas grazas a tod@s por acompañarnos neste roteiro pola protección do Monte Pituco (Pornedo).

MOITAS GRAZAS á Plataforma en Defensa dos Montes do Morrazo por organizala, e a Cándido Martínez polo seu papel como guía da expedición.

POLÍGONO, NON!