Publicado por: MontePituco | 11/12/2014

CURSO DE SULFATADOR EN SAN XULIÁN

Curso de sulfatador en San Xulián.

Na Comunidade de Montes de San Xulián realízase estes días un curso de manipulador-aplicador de produtos fitosanitarios. Ou o que é o mesmo, un curso de sulfatador.

70 euros custa o curso, homologado pola Xunta e impartido por persoal dunha academia de Pontevedra.

Total, para que os veciños da parroquia -maioritariamente xubilados e persoas de idade avanzada- lle apliquen uns poucos tratamentos ás parras que rodean a casa, ou á viña que teñan plantada nalguna finca cativa. Porque a dedicación dos terreos cultivables en San Xulián non é en absoluto comparable aos latifundios da bisbarra do Salnés, destinados á produción vitícola. Aínda que hai concellos que, como Barro ou Pontevedra, veñen procurando unha marca de distinción para os viños que se producen nas súas terras, non é o caso de Marín, nin tan sequera desta parroquia, onde a colleita de uva non só se reduce ao eido estritamente doméstico, senón que se trata dunha práctica que por desgraza está en regresión debido ao progresivo abandono da actividade agrícola.

Certamente, a obtención dun título de manipulador-aplicador de produtos fitosanitarios -é dicir, de sulfatador- é obrigatoria e para obtelo non só cómpre fichar nas clases polo cómputo de horas reguladas, que no caso do curso que se imparte en San Xulián é de 25; senón que por riba cómpre examinarse ante a Xunta… e aprobar! Vaia reto para os nosos pais e avós; peinando canas, ou sen apenas pelo que peinar, e recibindo leccións para aprender a sulfatar.

Agora que está tan de moda chamar á insubmisión e á rebeldía contra o cumprimento das normas -e non son poucos os exemplos que se len últimamente na prensa local a propósito de certas sentenzas incómodas- imos esforzarnos para non caer na tentación.

Seguro que con eses 70 euros máis dunha familia podería compartir unha boa cea neste Nadal, brindando naturalmente con viño da casa.

Curso de sulfatador en San Xulián.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: