Amigos e amigas do Monte Pituco
Como quen non quere a cousa, un pequeno grupo de afeccionados ao medio ambiente, o patrimonio e a cultura demos en organizar unha andaina polo Monte Pituco o vindeiro 24 de agosto, con saída ás 10:30h dende a arboreda situada a carón do propio monte, preto do cruce co Regueiriño.
Queremos facela aberta a todas as persoas que teñan interese en pasar unha mañá en contacto coa natureza, admirando arte rupestre, percorrendo camiños, curiosando plantas e animais, escoitando antigas lendas sobre estrañas luces e fermosas mouras, relaxándose cunha paisaxe incomparable da ría, apreciando o interés dun lugar que non merece acabar convertido nun polígono industrial como pretenden algunhas Administracións e algúns colectivos interesados no suxo proveito económico a costa dun Espazo Natural incluido nos Montes do Morrazo.
Agardámosvos!
DEFENDE O MONTE PITUCO (Pornedo) 
Deixar un comentario