Publicado por: MontePituco | 16/06/2014

STOP MALTRATO ANIMAL: FINAL FELIZ DE XESTA vs. TRÁXICO FINAL DE TANI

Entre esta imaxe…

Cadela abandonada na Variante.

…E esta outra

Xesta no seu novo fogar.

…Sucederon varias cousas:

-un pouco de tempo

-e unha fada madriña que se chama Manu Franco

Entre mentres tamén houbo:

-incertidume

-e preocupación

Olgama, en adopción no CAAN da Deputación.

Paga a pena recordar en poucas liñas a historia desta vella cadeliña, que a finais de abril foi abandonada na Variante de Marín, de onde foi recollida por unha patrulla da Policía Local, que a enviou ao Centro de acollida de animais abandonados de Armenteira (Meis), dependente da Deputación Provincial. Alí pasou 20 días á “espera” dun propietario/a que nunca a reclamou e posteriormente foi posta en adopción a través dun anuncio na web do CAAN, onde se identificaba co nome de Olgama.

A difusión do seu caso a través deste blogue e, sobre todo, a través de Facebook, fixo posible que Manu Franco, nun acto de xenerosidade exemplar, se interesara por ela e a levase ao seu fogar en Poio, onde xa convive con outros cans: Menta, Tin, Rula, Kira e Mora. Olgama era “re-bautizada” como Xesta.

Destaca de Manu Franco a súa enorme sensibilidade polo benestar dos animais, a súa colaboración mediante as redes sociais na difusión de numerosos casos de abandono de cans e gatos. Conmove a súa dedicación ao coidado dos animais que acolle, o seu perfecto coñecemento da “personalidade” de cada un. E non hai palabras abondo para eloxiar por que, con cinco animais ao seu cargo, deu o paso de incorporar un máis á súa familia.

Non era un caso nada doado: unha cadela de avanzada idade, 14 anos moi mal levados por falta de coidados. Un soplo no corazón, unha hernia na ingle, problemas de tripa e unha tos persistente son algúns dos seus achaques. Pero as visitas ao veterinario, os tratamentos, a alimentación regular e sobre todo, o agarimo e a convivencia con outros animais cambiáronlle a vida a Xesta.

Despois de  tantas fatigas e do perigo dunha morte máis que segura na cuneta dunha estrada, a hospitalidade da súa benfeitora permitirá que pase tranquila os anos que lle queden, que ogallá sexan moitos. GRAZAS!!!

Xesta no seu novo fogar.

Xesta no seu novo fogar.

Xesta no seu novo fogar.

Xesta no seu novo fogar.

Xesta no seu novo fogar.

Esta historia con final feliz vén a conto de que outros casos de animais abandonados rematan moito peor.

Tani non chegou a ter outra oportunidade. Cando os axentes do Seprona a atoparon agochada debaixo dun coche nunha casa de Salcedo, a súa situación era tan precaria -desnutrición, deshidratación, conxuntivite, anemia, debilidade e dermatite causada polos parásitos que a invadían- que, ao cabo de 15 días, e malia os constantes coidados que recibiu no refuxio da Protectora Os Palleiros, faleceu. O seu dono xa está imputado pola morte doutro can que aínda estaba preso cunha cadea cando se atopou o seu cadáver.

Este venres ás 20:30h está convocada unha concentración na Praza de España en Pontevedra en homenaxe a Tani, coa lectura dun manifesto. Porque nada xustifica o maltrato e o abandono dun animal. Porque cómpre endurecer as sancións contra as persoas desalmadas que actúan dun xeito tan cruel e mesquiño, abusando de seres vivos máis débiles, que son privados dos seus dereitos.

Porque houbo e hai moitas Tanis.

Para que haxa máis Xestas afortunadas.

Tani

Para máis información, consultar anteriores artigos:

Cadela abandonada na Variante (28 de abril de 2014)

Buscando un fogar para Olgama, abandonada na Variante (20 de maio de 2014)


Responses

  1. […] o temor a que o seu caso tivera un drástico e precipitado final, foron o acicate para que se interesara tanto na súa adopción, para que agardara con ansia o cumprimento dos prazos estipulados na canceira para por fin sacala […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: