DEFENDE O MONTE PITUCO (Pornedo)

Maio de San Xulián

Esquecemos por un día os pro-polígono, a política delirante da Xunta en materia de solo industrial, as agresións e as ameazas que lle afectan ao patrimonio histórico e medioambiental do Monte Pituco. É día para gozar dos maios, de flores cubertos…

“Aquí vén o maio
de frores cuberto…
puxéronse á porta
cantándome os nenos”.

Curros Enríquez, O Maio

“Maiño maiolo, que tanto durmiche.
Pasaron sete burros e ti non os sentiche”.

Neste 1º de maio tivemos tamén noticia dun costume que consiste en erguerse cedo, “antes de que os raios do sol iluminen a cama”. O motivo de madrugar neste día non é outro que evitar “andar a durmir todo o ano”.