Publicado por: MontePituco | 22/04/2014

PRE-DÍA DO LIBRO (IV): NOVO LIBRO DE ANA ACUÑA

"Conciencia política e literatura galega en Madrid (1950-2000)", de Ana Acuña (Xerais, 2014).“”

Leva un mes nas librarías o novo libro da profesora Ana Acuña, unha veciña de San Xulián. Esta obra, feita a partir do material elaborado para a súa tese de doutoramento, súmase a outras publicacións nas que ten participado como autora ou co-autora: “Xoán Vidal. Voz e memoria” (2005), “Diccionario Xosé María Álvarez Blázquez” (2008), “Roteiro Xoán Manuel Pintos” (2011), “Pontevedra literaria” (2007), “Os poetas galegos (1936): antoloxía consultada de Xosé Filgueira Valverde” (2008) e “Poesía completa de Lois Pereiro” (2011).

Estamos pois, ante unha investigadora comprometida coa lingua e coa cultura, cunha especialista en literatura e mais en tradición oral, que contribuiu a recuperar en numerosas sesións de traballo de campo nesta parroquia; unha muller sensible co patrimonio natural e histórico a quen temos atopado percorrendo algunhas paraxes do Monte Pituco.

Con esta nova obra recén saída do prelo achéganos ao ambiente dos que denomina como “madrigalegos”, a través do testemuño directo de 54 persoas ás que entrevistou, a través das cales podemos saber da existencia de diversos grupos de intelectuais e estudantes que contribuíron a xerar esa conciencia política e ese foro literario entre os galegos que habitaban ou habitan na capital do Estado dende 1950 ata o ano 2000: a Mocedade Universitaria Castelao, o Seminario da Cultura Galega do Club de Amigos da Unesco de Madrid, o Grupo Bilbao que aínda segue activo a través de figuras tan senlleiras como o editor Sabino Torres ou o escritor Vicente Araguas.

Ogallá haxa oportunidade, nalgunha presentación ou encontro literario, para coñecer máis a fondo “Conciencia política e literatura galega en Madrid”. Que sexa a propia Ana Acuña quen nos debulle esta obra que forneou á lentura do seu traballo tan eficaz como discreto. E que Marín e San Xulián se sintan orgullosos de contar cunha figura da súa talla profesional e humana. Saudiña!

Entrevista de Ana Acuña no Faro da Cultura (27/02/2014).


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: