Publicado por: MontePituco | 27/12/2013

OS EFECTOS DO TEMPORAL DIRK NO MONTE PITUCO

O rego que canaliza a auga, atascado de terra e area.

O paso do temporal Dirk nos últimos días deixou unha pegada ben visible no Monte Pituco. Non sabemos que forza chegou a acadar o vento; quizais non se igualaron os 190 quilómetros por hora rexistrados en Carballeda de Valdeorras, pero a intensidade foi suficiente como para tumbar árbores de certo porte e tronzar troncos pola metade.

Tamén foron abundantes as chuvias. Os regos laterais da pista forestal do Monte Pituco non deron canalizado tanta auga; en parte porque, malia que por fin a Comunidade de Montes acometeu a retirada da maleza que medrara nestes regos, parte desa broza quedou atascando o surco, e a terra que se foi acumulando durante o prolongado tempo de abandono non se quitou para facilitar que as pluviais discorresen monte abaixo sen obstáculos.

Resultado: a auga da chuvia vai polo rego pero, nos puntos onde se acumulan os restos vexetais, a area e as pedras, o torrente reborda e acaba inundando a pista, que empeora progresivamente o seu xa deteriorado estado.

A mellora desta pista forestal é unha das moitas asignaturas pendentes da Comunidade de Montes e, aínda que a directiva se comprometera a incluila nun paquete de viais pendentes de reparación, é unha das actuacións que segue agardando ‘sine die’ polo seu arranxo.

Pinos tumbados e tronzados polo vento.

da pista forestal do Pituco

En pleno val do Pornedo máis dunha árbore resultou damnificada pola forza do vento.

Moitas pólas acabaron no chan.

Tal foi a forza do ventoTal foi a intensidade do vento que tronzou árbores de certo grosor.

Os sendeiros entre o monte quedaron cubertos de pólas, paus e restos vexetais tralo temporal.

No límite entre os montes de Vilaboa, Figueirido e Salcedo, atopamos outra mostra da virulencia desta recente cicloxénese explosiva: unha sobreira que derrubou o temporal e quedou coa raíz ao aire. Mágoa dela; non abundan especies desta árbore corticeira nesta contorna.

Sobreira situada no monte de Vilaboa. Decembro 2013.

Decembro 2013

Sobreira, en novembro de 2013.

Novembro 2013

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: