Publicado por: MontePituco | 12/08/2013

TERCEIRO VERQUIDO NO QUE VAI DE MES

Verquido ilegal de rodas no aparcadoiro do campo de fútbol de Salcedo, en terreos de Lourizán.

A través da Comunidade de Montes de Lourizán vimos de ter coñecemento doutro verquido ilegal de rodas. O terceiro no que levamos deste mes de agosto nun reducido ámbito xeográfico: o primeiro, na pista de servizo da Variante na parte de Lourizán, a carón do límite con Marín; o segundo, nunha cachada privada ao lado do antigo campo de fútbol do Pituco, en dirección a Arealonga; e o terceiro, no aparcadoiro do campo de fútbol de Salcedo, en terreos da Comunidade de Montes de Lourizán.

Subindo pola pista que conduce ao campo de fútbol hai un primeiro verquido dunha ducia de rodas vellas. Pero hai un segundo verquido ao fondo do aparcadoiro, onde se ciscaron máis dun cento de neumáticos gastados de diferentes tamaños. Moi similares, por certo, aos dos verquidos precedentes.

Sería redundante condear este tipo de agresións tan graves ao medio ambiente. Mais cómpre facer unha reflexión dende o punto de vista práctico.

Se resultase que os autores destes verquidos pertenceran a algún taller, o delicto sería dobre: por unha parte, o propio dano ambiental, e por outro, a fraude ao clientes deses establecementos, que pagan un “canon de reciclaxe” para que os neumáticos que retiran da circulación reciban o tratamento axeitado á normativa. Este procedemento está regulado no Real Decreto 1619/2005, de 30 de Diciembre, sobre a xestión de neumáticos fóra de uso. O artigo 9 sobre “Financiación dos sistemas integrados de xestión” precisa que:

“Os sistemas integrados de xestión de neumáticos fóra de uso financiaranse mediante a aportación polos produtores de neumáticos dunha cantidade acordada pola entidade á que se lle asigne a xestión do sistema, por cada neumático de reposición posto por primeira vez no mercado nacional”.

E ademais, o artigo 7 sobre “Almacenamento e eliminación de neumáticos fóra de uso” establece que:

“De conformidade co artigo 12.2 da Lei 10/1998, de 21 de abril, queda prohibido o abandono, verquido ou eliminación incontrolada de neumáticos fóra de uso en todo o territorio nacional. Asimesmo, de conformidade coa lexislación vixente prohíbese o depósito en vertedoiro de neumáticos enteiros, con exclusión dos neumáticos utilizados como elementos de protección nos propios vertedoiros”.

Deberíase investigar a autoría destes verquidos tan reiterados, avaliar se están vinculados uns cos outros, e sancionar duramente estas accións antiprofesionais, incívicas e vergoñentas.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Verquido ilegal de rodas no aparcadoiro do campo de fútbol de Salcedo, en terreos de Lourizán.

Mapa dos verquidos ilegais de rodas: 1, pista da variante; 2, explanada do Pituco; 3, aparcadoiro de Lourizán.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: