Publicado por: MontePituco | 01/08/2013

VERQUIDO DE RODAS NA PISTA DA VARIANTE

Verquido ilegal de rodas na pista de servizo da Variante de Marín.

Son máis dun cento de rodas procedentes, tal vez, dalgún taller. Os autores deste verquido ilegal non teñen excusa; actuaron de xeito irresponsable e incívico. E ogallá os axentes de Medio Ambiente da Xunta aos que se lles notificou esta grave incidencia abran unha investigación para dar cos culpables e se lles impoña unha sanción exemplar.

Este feito tan lamentable lémbranos outras agresións aos nosos montes: Xeve, Poio… neste último caso, a comunidade de montes Rega dos Agros foi obrigada a facerse cargo da retirada dos neumáticos a pesar de ser os promotores da denuncia e as vítimas do verquido no terreo veciñal. Aos responsables destas falcatruadas deberíalles pesar na conciencia, se a tiveran, por facer pagar a xustos por pecadores.

La Voz de Galicia: “Investigan un vertido de ruedas a una finca de Xeve

Faro de Vigo: “Medio Ambiente da un mes a Rega dos Agros para retirar los vertidos del monte“.

No propio Monte Pituco téñense localizado tamén depósitos de lixo non só con rodas, senón tamén con outros materiais de refugallo: “Sanción polo verquido nas Presas“.

Nesta ocasión, os neumáticos están ciscados pola pista de servizo da Variante de Marín, nun lugar que se atopa por debaixo da ponte próxima á arboreda que hai antes do cruce do Regueiriño, en dirección a Louredo.

Dende Defende o Monte Pituco queremos agradecer a preocupación e a sensibilidade do veciño que tomou estas imaxes, e que nos fixo partícipes desta situación que denunciamos publicamente a través do bloque.

Verquido ilegal de rodas na pista de servizo da Variante de Marín.

 

Verquido ilegal de rodas na pista de servizo da Variante de Marín.

Verquido ilegal de rodas na pista de servizo da Variante de Marín.

Vista da Variante de Marín dende un lugar próximo ao punto onde está o verquido ilegal.

[Fotos cedidas polo denunciante]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: