Publicado por: MontePituco | 19/07/2013

A PLATAFORMA MONTES DO MORRAZO, SOBRE O MALTRATO AOS CABALOS

[Nunca cansaremos de difundir este VIDEO-DENUNCIA para que medre o rexeitamento social contra esta práctica ILEGAL: cabalos MALTRATADOS que percorren os montes galegos coas patas atadas con cadeas, cordas ou pexas]

A Plataforma en Defensa dos Montes do Morrazo pide máis implicación das Administracións para que se erradique a práctica abominable dos propietarios de cabalos que os maltratan poñéndolles pexas, cordas ou cadeas nas patas para limitar os seus movementos e evitar que se despracen lonxe. Dende que a Agrupación de Protección Civil de Marín anunciou que colaboraría na liberación destes animais, son varios os equinos que puideron quitarse de enriba eses perigosos instrumentos de tortura.

A raíz desta noticia, os voluntarios de Protección Civil recibiron ameazas por parte de persoas que non teñen ningún interese en que os cabalos recuperen a plena liberdade. Afortunadamente, esta Agrupación contra co apoio dos colectivos sensibilizados coa defensa dos animais e da protección da natureza.

Malia que a Plataforma en Defensa dos Montes do Morrazo considera que se pode facer moito máis para sancionar os responsables destes reprobables casos de maltrato, cómpre ter en conta as condicións de traballo dos voluntarios de Protección Civil, as limitacións coas que exercen o seu labor solidario, e os recortes en medios e persoal que moi probablemente lles estarán afectando, como a calquera servizo público.

Penosa situación dos cabalos ceibes, algúns cuxa mobilidade está seriamente limitada, con método de absoluta e mesquiña tortura

A Plataforma en Defensa dos Montes do Morrazo considera positivo pero insuficiente a retirada de pexas dos cabalos por parte da Agrupación Local de Voluntarios de Protección Civil no Concello de Marín.

A plataforma quere sinalar que esa operación debe ser realizada por Inspectores Veterinarios dependentes do Servizo de Gandería da Consellaría de Medio Rural coa colaboración do SEPRONA, xa que esta práctica ilegal afecta a nivel estatal ao R.D. 348/2000 de 10 de marzo, polo que se incorpora ao ordeamento xurídico a Directiva 98/58/CE relativa á protección dos animais en explotacións gandeiras que, no seu artigo 3 de Obrigas dos propietarios e criadores, dita a estes a “adoptar as medidas adecuadas para asegurar o benestar dos animais con vistas a garantir que estes non padezan dores, sufrimentos e danos inútiles” e impón as mínimas condicións físicas para os animais axustadas ao contido do Anexo do antedito Real Decreto, que no número 4 -baixo o epígrafe “Liberdade de movementos”- determina que “non se limitará a liberdade de movementos propia dos animais, de maneira que se lles cause sufrimentos ou danos innecesarios, tendo en conta neste sentido a especie, o seu grao de adaptación e domesticación, así como as súas necesidades fisiolóxicas de conformidade coas experiencias adquiridas e entre elas a produtiva e o avance dos coñecementos científicos ”.

Esta norma non só é aplicábel no concello de Marín senón tamén nos concellos de Vilaboa, Moaña e Bueu, como municipios así mesmo afectados por esta práctica a nivel comarcal.

Cabe salientar que ademais das pexas de madeira está a aumentar o uso, ilegal e lesivo, de cordas nas patas dianteiras de moitos exemplares de cabalos, impedindo a mobilidade natural do animal, producindo -alén de malformacións e mutilacións nas extremidades inmobilizadas- en moitas ocasións, accidentes viarios ou mesmo causándolles a morte ao non poder fuxir nos lumes.

Estas prácticas non se producen só no verán senón durante todo o ano, sendo denunciadas pública e/ou adiministrativamente desde hai anos por veciños e colectivos sociais a nivel local e comarcal, mesmo desde esta Plataforma. Ademais de contravir a lexislación europea e estatal en materia de protección gandeira tamén se está contravir a nivel internacional a Declaración Universal dos Dereitos do Animal, proclamada en 1978 e aprobada posteriormente pola UNESCO e a ONU.

A Plataforma congratúlase de que o Parlamento galego aprobase finalmente en abril deste ano unha “Proposición non de lei” contra da utilización das pexas nos cabalos. Mais lamenta que as autoridades autonómicas e locais foran permisivas durante tanto tempo con quen confunde a tradición coa tortura animal, comezando a actuar por imperativo xudicial a través de denuncias civís na fiscalía provincial. Polo que desde a plataforma esiximos que agora se cumpra na realidade e na súa integridade.

Por outra parte, alerta que é cada vez máis frecuente atopar mandas de cabalos á beira da estrada da PO-313 Marín-Moaña, polo que é necesario tanto unha maior sinalización de precaución nela como unha correcta identificación (microchip) da propiedade dos cabalos ante posibles accidentes.

A plataforma quere suliñar que os cabalos non son salvaxes, senón que están en réxime de gandería extensiva e teñen propietarios, e polo tanto estes teñen as súas responsabilidades, pero moitos deles son contrarios a esa identificación para evitar responsabilidades, tanto pola utilización ilegal das pexas como polos danos económicos que os cabalos poidan producir en cultivos ou por accidentes viarios.

Cabalo coas patas atadas con cordas (imaxe tomada en 2010 na arboreda do Pituco).

FARODEVIGO

Protección Civil recibe numerosas muestras de apoyo a su campaña contra los cepos de los caballos

Vecinos, agrupaciones ecologistas, culturales e instituciones respaldan a la agrupación local

Redacción 13.07.2013.Los voluntarios de la agrupación local de Protección Civil de Marín están recibiendo numerosas muestras de apoyo y solidaridad, por parte de vecinos, agrupaciones ecologistas e incluso instituciones públicas, por la campaña que han iniciado para liberar de cepos, “trancas” y ataduras a los caballos criados en régimen de semilibertad. Los reconocimientos y muestras de solidaridad están llegando a la agrupación que gestiona Roberto Agulla, una vez que los voluntarios han denunciado que están recibiendo coacciones y llamadas “intimidatorias” por parte de propietarios del ganado equino. Algunos de estos ganaderos han amenazado a los miembros de Protección Civil, al conocer que están cortando las ataduras de los animales.

El propio concejal delegado de la Policía Local, Francisco Estévez, agradeció a los voluntarios la labor que están realizando y les reiteró el apoyo del Concello a esta iniciativa, que trata de frenar un maltrato sobre los animales que está penado por la ley.

Pese a las coacciones por parte de algunos ganaderos, los voluntarios continúan realizando batidas por los montes de la zona para liberar a los caballos.

Egua localizada no Monte Pornedo xunto con outros cabalos, o pasado mes de abril. Apréciase claramente a tranca que leva nunha das patas.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: