Publicado por: MontePituco | 21/06/2013

MONTES DO MORRAZO SOBRE AGUDELO (MOAÑA)

Monte Agudelo, Moaña.

A proposta da Comunidade de Montes de Moaña sobre Agudelo non convence á Plataforma en Defensa dos Montes do Morrazo.

Os 170.500 m2 de terreo que quere ceder a directiva da Xunta de Montes en Man Común de Moaña á Asociación Empresarial do municipio para o parque industrial desde a Cruz da Maceira en dirección a Agudelo por enriba da estrada PO-313 e fronte a donde están os propostos inicialmente están así mesmo plenamente integrados no espazo natural dos Montes do Morrazo, integrado no Rexistro Xeral de Espazos Naturais de Galicia creado polo Decreto 82/1989 e así mesmo catalogado de solo rústico de especial protección de espazos naturais polas Normas Complementarias e Subsidiarias de Planeamento da provincia de Pontevedra polos seus valores medioambientais, ecolóxicos, biolóxicos, botánicos paisaxísticos, científicos, educativos e recreativos e con entrada en vigor pola Orde do 3 de abril de 1991, que di “no ámbito de aplicación desta norma non se autorizará a construcción de ningunha clase de edificación, permitíndose a explotación racional dos recursos vinculados ao medio que non atente contra os valores esenciais” e “ só se autorizarán edificacións directamente vinculadas aos usos agrícolas, forestais e gandeiros” e polo tanto non están autorizados os usos industriais.

Por outra parte os terreos en monte comunal son só unha parte do total previsto, xa que o polígono industrial é máis superficie e que estes terreos están máis perto do límite co concello de Marín sospeitamos que a outra parte, impacto a maiores, podería ir para terreos próximos da localidade marinense de Pastoriza, igualmente en solo rústico de especial protección de espazos naturais ou anexo a el, xa que logo a intención sería de facelo supramunicipal a traveso do plan sectorial de áreas empresariais da Xunta e pasar por enriba do planeamento existente.O impacto ambiental e paisaxístico nestes novos terreos sería moito máis grande con meirandes desniveis e na rocha e por estar a unha maior cota en altura, por enriba dos 400 metros sobre o nivel do mar dentro da cabeceira da ampla conca formada polo rego da Fraga en dirección á ría de Vigo.

Tampouco se salvaría o propio rego xa que quedarían afectados pequenos regos que no inverno fan aporte por escorrentía aos regos principais.

Eliminaría capa vexetal e plantacións forestais (non só eucaliptos senón tamén piñeiros e carballos) e tamén monte baixo e matogueira con aproveitamentos selvícolas e agrogandeiros, e afectaría grave e irreversiblemente á fauna e flora salvaxe existente.

Afectaría tamén a solo rústico de especial protección de infraestruturas, tanto á beira da propia estrada PO-313 Marín-Moaña como especialmente co tendido eléctrico de alta tensión Subestación Lourizán-Cangas ao seu paso pola zona, cos que sumaría impactos.

A Plataforma en Defensa dos Montes do Morrazo apoia o soterramento da liña eléctrica como propón a directiva da comunidade de montes pero sin a construcción dun parque industrial ao lado.

Estaría en zona afectada por incendios forestais despois do 2003 polo que segundo a lei 43/2003 de 21 de novembro de Montes queda proibido o cambio de uso forestal durante durante alomenos 30 anos e toda a actividade incompatible coa rexeneración vexetal, durante o período que determine a lexislación autonómica.

E sería unha ameaza engadida á de 4 aeroxeradores plantexados como ubicacións alternativas desde alto de Outeiro da Carballosa ata Agudelo e Monte do Grilo, dentro da área de reserva eólica do Morrazo.

A Plataforma en Defensa dos Montes do Morrazo lamenta que a comunidade de montes de Moaña ceda unha vez máis ante as presións políticas e empresariais 10 anos despois de asinar un convenio ilegal de “expropiación amistosa” coa asociación empresarial nos terreos inicialmente previstos e sinala que ao mesmo tempo sigue sendo copartícipe dun proxecto insustentable a nivel ambiental que ademais suporía a desaparición de monte como recurso, entrando dentro dunha operación de especulación urbanística con chan rústico a baixo prezo e unha cesión de monte comunal de dubidosa legalidade.

Salienta que se contradice cando sae en defensa dos valores naturais, xa que no fondo está priorizando os intereses produtivos e económicos por enriba dos ambientais.

A urbanización dos terreos agora propostos, dos previstos inicialmente ou de calquera que se especule dentro desta zona con destino a un parque industrial remataría incidindo no déficit de solo fértil e permeable máis na perda de absorción de CO2 na atmósfera pola tala de bosque e roturación do terreo para convertilo nunha masa inerte de edificacións de cemento e formigón ao que habería que engadir o perigo posterior de verquidos contaminantes ou de incendios forestais na súa fase de actividade, que ameazaría os montes dos arredores e a conca do río da Fraga dende o seu nacemento ata a súa desembocadura na ría.

Tamén incidiría na perda de calidade atmosférica máis no incremento do contaminación acústica e gasto enerxético co aumento do tráfico motorizado e pesado cara a unha ubicación lonxe dos núcleos urbanos e en pendiente, afectando non só ao solo rústico especialmente protexido senón a varios núcleos rurais ao longo da PO-313, que tería ademáis que ser acondicionada ex-profeso afectándoos con ampliacións da calzada e expropiacións.

A construcción dun parque empresarial non significa que vaia existir ou mesmo crecer os postos de emprego e voltamos a informar que na actualidade hai arredor de 1.500.000 m2 de solo industrial baleiro a nivel provincial en parcelas sin ocupar dentro de polígonos industriais existentes.

Tamén que desde hai anos xa existe un proxecto de parque supramunicipal a nivel comarcal que formaría parte da ampliación do parque industrial de Castiñeiras, entre Bueu e Cangas, reducido a unha terceira parte nos últimos anos por falla de demanda.

Polo tanto non ten ningunha racionalidade ningún parque industrial nin donde está inicialmente proposto nin tampouco donde propón agora a comunidade de montes.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: