Publicado por: MontePituco | 22/06/2013

HOMENAXE A XAN MONTENEGRO

Homenaxe a Xan Montenegro, xuño de 2013.

Lois González presentou este sinxelo acto de homenaxe a Xan.

Homenaxe a Xan Montenegro, xuño de 2013.

Na reportaxe gráfica falta a outra parte do público -moi numerosa- que estaba na outra beirarrúa.

Homenaxe a Xan Montenegro, xuño de 2013.

A súa irmá Lucinda e a súa compañeira de Mar-In, Isabel Martínez Epifanio, descubriron o monolito en memoria de Xan.

Homenaxe a Xan Montenegro, xuño de 2013.

A bandeira galega cubría o monumento.

Homenaxe a Xan Montenegro, xuño de 2013.

O canteiro Pablo González é o autor desta fermosa peza que agora está ao carón das beirarrúas polas que Xan tanto loitou dende a Asociación de Veciños de San Xulián.

Homenaxe a Xan Montenegro, xuño de 2013.

Julio Santos Pena fixo unha sentida intervención lembrando a faceta social e política de Xan.

Homenaxe a Xan Montenegro, xuño de 2013.

Xosé Vilas, que compartiu con Xan amizade, causas e pensamentos durante moitos anos.

Homenaxe a Xan Montenegro, xuño de 2013.

Antón Pousada, dende Marinenses Independentes, animando -como faría Xan- a seguir loitando polos ideais.

Homenaxe a Xan Montenegro, xuño de 2013.

Lía, interpretando unha composición musical co seu violín.

Homenaxe a Xan Montenegro, xuño de 2013.

O Ghaiteiro de Estribela, outra nota de emotividade musical.

Homenaxe a Xan Montenegro, xuño de 2013.

…Soaba o Himno galego.

Homenaxe a Xan Montenegro, xuño de 2013.

“Verde primavera do lugar dos soños

Encanto azul e verde dunha paisaxe deslumbrante

Terra que se move ó son do cantor do paxariño

Mar azul como os beizos da serea

que sobre as ondas vai e vén creando soños

que a dozura e a dureza do mar

levaraos a terra firme”.

Versos de Xan Montenegro

100_4030

O Monte Pornedo, que Xan chamaba “o balcón da ría”, xusto detrás do monumento na súa memoria.

Homenaxe a Xan Montenegro, xuño de 2013.

Dous anos despois do seu pasamento, Xan segue mobilizando a veciñanza, como dixo Lois González na presentación deste acto na súa memoria. Había moitas persoas, todas as que tiñan que estar, de todas as cores políticas, como comentaría ao final a súa compañeira de Mar-In, Isabel Martínez Epifanio. E cabería engadir que os que non estiveron, sinxelamente non foron botados en falta.

O monolito de homenaxe a Xan Montenegro foi depositado nun pedaciño de terra do que unha veciña dixo que lle chamaban o recuncho “do luxo”. Un lugar ben atinado, ao pé das beirarrúas polas que Xan -dende a Asociación de Veciños de San Xulián- tanto loitou para que se construíran. E aínda que non as chegou a ver feitas, deixounos sabendo que as obras estaban en camiño.

E detrás deste monumento simbólico, o Monte Pornedo, ese “balcón da ría” -como dicía Xan- dende o que se divisa esa “paisaxe deslumbrante” dos seus versos. Porque o carácter pioneiro de Xan en tantas facetas -persoal, cultural, política- tamén se plasmou na preocupación que sempre tivo pola defensa do territorio: tanto denunciou agresións ao patrimonio arqueolóxico que desapareceu baixo toneladas de terra, como protestou polas infraestruturas que xeraron impacto na contorna, e impulsou as primeiras alegacións contra o proxecto do polígono industrial que arrasaría con ese espazo tan valioso.

Nesa loita contamos dende o principio coa axuda desinteresada de Xan, dándolle continuidade dun xeito moi modesto ás súas iniciativas a prol da conservación do NOSO monte, do monte da parroquia. E non imos defraudalo. Dende onde sexa que estea, estaranos axudando.

Grazas aos seus achegados por organizar este acto de lembranza e de recoñecemento ao seu compromiso firme coas causas xustas.

“…E eu perdinme antre os trigos ben perdido,

coas espigas por riba da cabeza,

no carreiro longuísimo dos adeuses…”

Xosé María Díaz Castro, Día das Letras Galegas 2014

Faro, 20 de xuño de 2013.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: