Publicado por: MontePituco | 25/05/2013

POLO DESENVOLVEMENTO SUSTENTABLE DA RÍA

Representantes da nova Plataforma 2018 contra a prórroga a Ence.

A Plataforma en Defensa dos Montes do Morrazo, o Colectivo Nacionalista de Marín, Queremos Galego Marín, Vaipolorío, e a Organización Galega de Comunidades de Montes Veciñais en Man Común son algunhas das case 30 organizacións ecoloxistas, veciñais, culturais e políticas de Pontevedra e das localidades veciñas que se agruparon para constituir a Plataforma 2018 contra a prórroga a Ence, impulsada dende a Asociación pola Defensa da Ría de Pontevedra. Este conglomerado de entidades opóñense a que a fábrica pasteira poida continuar na súa actual ubicación a carón da ría durante outros 75 anos trala reforma da Lei de Costas.

Na APDR non se fían de que sexa a Xunta a que, mediante un informe, poida dispoñer se a factoría queda ou marcha e sospeitan que é o Goberno Central o que ten “a última palabra”. Por iso esta Plataforma créase coa intención de presionar o Executivo autonómico para que impida a prórroga. Entre as medidas que xa puxeron en marcha destaca unha campaña de recollida de sinaturas a través de Change.org que nestes primeiros días xa colleitou un milleiro de adhesións.

Outra acción programada é unha charla coloquio este mércores 19 de maio ás 20:30h na Casa das Campás de Pontevedra. Co título “Por un modelo de desenvolvemento sostible e socialmente xusto coas rías galegas” o biólogo e experto en recursos mariños Alberto de Coo vai argumentar a súa aposta pola explotación dos recursos pesqueiros e marisqueiros. Tamén participará o presidente da Organización Galega de Comunidades de Montes, Xosé Alfredo Pereira, que falará sobre “Outra alternativa para o monte galego” á marxe das prácticas actuais de monocultivo de eucalipto e especies de alto rendemento.

Dende DEFENDE O MONTE PITUCO, solidariedade coa APDR, que tamén apoia a conservación do Monte Pituco fronte á desfeita urbanística, a voracidade do sector empresarial e a avaricia especulativa. Ledos de que se visualice o proxecto de creación do Espazo Natural e Arqueolóxico dos Sete Camiños no atuendo do voceiro do Colectivo Nacionalista. E mortos de risa ao ver que tamén se apunta a este “bombardeo” certo partido político de esquerdas que, no caso da agrupación marinense, caracterizouse por desprezar e ningunear a este colectivo veciñal ante os reiterados intentos de obter información argumentada e xustificada sobre a elección do Pituco para a construcción dun polígono industrial. O mesmo lles dá esixir que se urbanice un Espazo Natural Protexido en plena fachada marítima, que opoñerse á instalación dun parque eólico nese mesmo Espazo Natural Protexido. Coherencia e principios que brillan pola súa ausencia. Pero así son as circunstancias, que levan a reunir estraños compañeiros de viaxe.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: