Publicado por: MontePituco | 07/02/2013

PLENO DE XANEIRO (e V)

Na recta final do que deparou o tempo de rogos e preguntas no pleno de xaneiro, Pilar Blanco pediulle á alcaldesa que entregara as contestacións ás preguntas da oposición ao principio da sesión. Logo empezou a enumerar una ristra de proxectos que contaban con informe desfavorable de intervención e foi preguntando un por un, dun xeito repetitivo e cansino, se a alcaldesa ou alguén do grupo de goberno podía dar explicacións sobre o reparo. Volveu recordar a petición de que se pavimentaran os camiños de Arealonga e Casal. Criticou a obra de remodelación do aparcadoiro a carón da Escola Naval, salientando que, polo importe da obra, cada praza de aparcamento saía a 8.000 euros. Preguntou cando se construiría o centro de saúde. Pediu a reparación do vial que pasa pola Canteira da Laxe, “chea de baches”. E lembroulle que “non entregou a acta da policía local” sobre a queima de expedentes urbanísticos.

Tamén se queixou de que o recibo da auga “disparouse de prezo”. E ao sacar a colación este tema, saíron á palestra dúas veciñas que estaban entre o público: “O doble ou triple”, exclamou unha delas.

Sobre a entrega das respostas, María Ramallo contestoulle que o reglamento non marcaba ningunha directriz, polo que seguiría o seu propio criterio, repartíndoas ao final do pleno. En canto aos reparos de intervención, invitou a Pilar Blanco a consultar os expedentes e ler os informes: “Algúns que nomeou son os mesmos reparos que se poñían cando vostede gobernaba”, espetoulle a alcaldesa á extenente alcalde, aínda que lle recoñeceu que “hai moito que mellorar”. Sobre os camiños pendentes de pavimentación, explicou que será despois de levantar un muro no lugar do Casal. María Ramallo xustificou o investimento na remodelación do aparcamento en base a que a zona estaba “moi deteriorada” e afirmou que tralas obras gañáranse prazas de aparcamento nun terreo que é titularidade da Autoridade Portuaria.

A alcaldesa estaba aínda coa palabra na boca cando as veciñas molestas co recibo da auga volveron erguer a voz para preguntar “que pasa co da auga”, ao que María Ramallo pediulle que lles deixase seguir co pleno. A veciña reaccionou con máis ímpetu e botoulle en cara que lles pasaría “aos que non temos cartos para pagar, cortádesnos a auga?”. As mulleres abandonaron a sala antes de que intervira o axente da policía local, entre berros de “sinvergoñas e engañadores”.

Pola súa parte, Isabel Martínez Epifanio, da que xa se comentou a súa intervención sobre o tema do chan industrial e o porto, expresou a súa preocupación polos roubos recentes no colexio do Carballal e preguntou por que non se convocara a Xunta Local de Seguridade. Tamén preguntou polas medidas de seguridade na Cabalgata de Reis, nas que se produciu una incidencia. E polo expediente sancionador ao Bng por pegar carteis nas farolas, ao que engadiu que Mar-In denunciara que a Deputación colgara das farolas una publicidade sobre unha campaña de termalismo, ademais dos cartaces do PP e do Bng que aínda quedaban polo rural.

María Ramallo respondeu que na supervisión da Cabalgata participaran a Comisión de festas, Protección Civil e a Policía local; que se convocaría una Xunta Local de Seguridade proximamente; e que, efectivamente, abríraselle un expediente ao Bng por incumprir a normativa que regula a ocupación de espazos públicos, pero que se había fotos que demostraran que a Deputación vulneraba o regulamento, tamén se lle sancionaría.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: