Publicado por: MontePituco | 01/02/2013

ONDE DEFENDEN OS MANANCIAIS E O PATRIMONIO QUE OUTROS DESPREZAN

Diario de Pontevedra, 1 de febreiro de 2013.

“Só queremos seguir tendo nas nosas casa auga nas mesmas condicións que desde 1977”. Álvaro Novegil, presidente da Comunidade de Augas de Couso-Lérez (Pontevedra).

As obras que acometerá a empresa Acuanorte no marco do proxecto de abastecemento de auga para os concellos de Pontevedra, Marín, Poio, Vilaboa e Sanxenxo, motivaron o descontento de comunidades de montes e comunidades de augas nas parroquias de Mourente e Lérez, cuxos terreos están afectados. No caso dos veciños de Couso, advirten que o movemento de terras provocaría que as augas resultarían “seriamente contaminadas”. Trátase de mananciais que subministran “de xeito tradicional o uso doméstico e agrícola dos veciños”. En canto a Mourente, están en desacordo cun trazado que consideran “irracional e demoledor” para as parcelas, especialmente no Monte do Castro, onde se proxectou a construcción dun depósito de auga nunha superficie onde existen os restos dun poboado castrexo.

Resulta admirable o interés destes colectivos pola protección do seu patrimonio arqueolóxico e a súa preocupación polos acuíferos tradicionais. Son os mesmos argumentos que temos en DEFENDE O MONTE PITUCO para rexeitar a instalación do polígono industrial: os gravados rupestres catalogados como Bens de Interese Cultural, os mananciais de Fontenla, As Presas, Gogullón do Pino, Sete Camiños, Cachadas, Monte da Serra, e Fontelagoa, entre outros que poida haber sen catalogar.

Pero en DEFENDE O MONTE PITUCO temos máis motivos para rexeitar o polígono: a pendente natural do terreo, a súa clasificación como Espazo Natural Protexido polas Normas Subsidiarias Provinciais de Planeamento no ámbito dos Montes do Morrazo, a presenza de especies vulnerables da fauna e da flora autóctona, o impacto paisaxístico, o perxuízo para a riqueza forestal do contorno, a presenza dunha liña de alta tensión…

Malia todas estas razóns máis que xustificadas, tan só a Asociación de Veciños de San Xulián é capaz de poñer cordura. Só a cobiza, a incultura e os intereses escuros -convintemente disfrazados de prosperidade económica e postos de traballo a esgalla- poden xustificar que outros colectivos da parroquia estean a favor de cometer este expolio, este atentado ambiental e este abuso contra os veciños que defendemos a toda costa o noso dereito a preservar a nosa calidade de vida.

Que sirvan de exemplo os representantes veciñais e dos comuneiros de Couso e de Mourente, para vergoña doutros que unicamente se deixan guiar polo cheiro apestoso dos cartos envelenados de falsas promesas.

La Voz de Galicia, 19 de xaneiro de 2013.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: