Publicado por: MontePituco | 14/01/2013

REXEITAMENTO DA APDR AO PARQUE EÓLICO E OUTRAS AGRESIÓNS

A Asociación pola Defensa da Ría de Pontevedra vén de sumarse aos colectivos que se opoñen á instalación dun parque eólico en Pedras Negras. A APDR tamén reitera o seu rexeitamento ao proxecto do polígono industrial no Monte Pituco.

APDR únese ao rexeitamento ao parque eólico de Pedras Negras no Morrazo

A Asociación Pola Defensa da Ría quere expresar o seu rexeitamento á instalación dun novo parque eólico no noso entorno, desta volta no espazo natural dos Montes do Morrazo, así como o seu apoio à Plataforma en Defensa dos Montes do Morrazo e a súa loita en contra deste proxecto e das demais agresións ambientais que ameazan a comarca (parque industrial no Monte Pituco, desdobramento do corredor do Morrazo…).

A instalación deste parque eólico aprobado pola Xunta de Galiza e promovido pola empresa Enel Green Power España suporá a colocación de 14 aeroxeradores de grandes dimensións cunha potencia de 42 MW, 17 km de pistas de acceso ou 15 km de gabias para o cableado eléctrico, así como a construción dunha subestación eléctrica. Tal e como denuncia a Plataforma, dende a APDR consideramos esta instalación como unha forte agresión incompatible coa preservación dos valores ambientais, paisaxísticos, xeológicos, arqueolóxicos, etnográficos, sociais, de saúde e económicos das comarcas afectadas.

Uns danos que xa son ben coñecidos en toda Galicia e que agora ameazan as Rías Baixas, con proxectos como este, o do Monte Castrove ou o da Serra do Galiñeiro. Proxectos que, disfrazados de “verdes”, só benefician a unha minoría, ás empresas que os constrúen e explotan hipotecando un futuro alternativo para as zonas nas que se instalan.

Galicia ten unha produción de enerxía dos parques eólicos moito maior da que consume. A costa de que? …A costa do noso patrimonio e os nosos recursos arqueolóxicos, culturais, paisaxísticos, de aproveitamento forestal, con graves prexuízos ao territorio e a súa poboación: contaminación térmica (elevación local da temperatura), electromagnética (asociada ás liñas eléctricas de evacuación) e acústica (ruídos e infrasons polo movimento do rotor), alteracións dos ciclos hidrolóxicos, afectacións de hábitats prioritarios, prexuízos na gandería, especies ameazadas cun importante aumento da mortalidade de aves (especialmente migratorias).

Os efémeros beneficios á poboación local non poden xustificar esta nova afronta que a afástanos, cada vez máis, dun desenrolo real e sustentábel.

Charla en Marín contra o proxecto do parque eólico de Pedras Negras.

Charla en Marín contra o proxecto do parque eólico de Pedras Negras.

Charla en Marín contra o proxecto do parque eólico de Pedras Negras.

Charla en Marín contra o proxecto do parque eólico de Pedras Negras.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: