Publicado por: MontePituco | 09/01/2013

PP, PSOE, BNG E MAR-IN SOBRE O PXOM E O POLÍGONO

No blogue Cousas de Carragal publicáronse unhas entrevistas cos responsables dos grupos municipais do PP, PSOE, BNG e Mar-In, a modo de balance da política local durante o pasado ano. O chan industrial e mais o desenvolvemento urbanístico son temas candentes para todos os interlocutores do cuestionario plantexado. Pero os máis deles seguen mantendo un discurso artificial baseado na demagoxia, no servizo aos seus intereses electorais; e o peor, por pura terquedade e cerrazón, manteñen uns posicionamentos que pasan totalmente por alto o respecto a lexislación elemental en materia de protección do medio ambiente e de conservación do patrimonio, por non citar outras materias nas que sen dúbida os especialistas terían moito que dicir. Porque xa está ben de que se desprecen os argumentos da natureza e da cultura en favor de todopoderosas cifras de investimentos e hipotéticos postos de traballo; que por algo existen leis que protexen todo iso que, co PXOM e co polígono proxectado no mesmo, se pretende destruir, sen que aparentemente pase nada. Iso está por ver e DEFENDE O MONTE PITUCO non é o único colectivo social disposto a cuestionar esa alegría coa que a clase política, ao abeiro de certos poderes económicos -non tan intocables, por certo-, estaría disposta a pasar o Dereito polo arco do mesmísimo triunfo.

Pregúntanlle a Francisco Veiga, voceiro municial do Psoe:

– ¿Qué cree usted que le falta a Marín? Infraestruturas, más inversiones en aspectos concretos…

Le hablaré de lo que le falta a Marín, y también de lo que le sobra. Ahora es el momento de las personas, toca reforzar los servicios sociales municipales después de los recortes sistemáticos del señor Feijoó. El Ayuntamiento debe estar del lado de los más necesitados mediante ayudas a la compra de libros de texto, exenciones temporales de impuestos, viviendas sociales, etc. Desde un punto de vista material, lo más importante es el Centro de Saúde tan prometido, después el parquing subterráneo y la Guardería Municipal de Seixo. Así mismo, últimamente da la impresión de que nuestro puerto y la necesidad de un polígono para su crecimiento está más en la agenda del alcalde de Pontevedra que de la alcadía de Marín. Está muy bien solicitar a los Reyes Magos obras para salir en la foto, pero lo realmente necesario para el futuro de nuestro jóvenes, como son un polígono industrial y la ubicación de empresas, se permite que Pontevedra y el PP lo proyecten en el Concello de Barro, Vilaboa o Cerponzóns. Y yo me pregunto, ¿es que nuestra alcaldesa no tiene nada que decir en esto?

Non hai outra bandeira que Veiga non saiba axitar: a do localismo rancio e patético; ese que practicou cando, rodillo en ristre, lle deu por despintar unha raia ‘provocadora’ na praza Marqués de Valterra cun ‘look’ tan elegante como informal a base de camisa branca, pantalón fino e zapatos lustrosos, prescindindo do mono de traballo que calquera operario lle puidera ter prestado para que o paripé resultara máis efectista. Corría o ano 2009. Tres anos antes, cunha pinta moi parecida á súa, Núñez Feijóo saía nas fotos cunha mangueira amagando sofocar un dos miles de incendios que asolaban Galicia naquel infausto verán.

Francisco Veiga Alberto Núñez Feijoo.

Rodeados como estamos de polígonos baleiros, para o ex-alcalde Veiga a prioridade de Marín ten que ser construir -non se sabe con que financiación- unha área industrial exclusiva para este Concello; parafraseando o slogan dunha coñecida marca de cosméticos, “porque yo lo valgo”.

Que non tema Veiga que, ante as poucas partituras [dialécticas] que sabe tocar; nos próximos días abofé que nos poderá deleitar coa súa melodía favorita. Porque o rexedor municipal de Ponte Caldelas, Perfecto Rodríguez, e o presidente da Autoridade Portuaria de Marín, José Benito Suárez, vanse reunir mañá, xoves: o alcalde quere promocionar o polígono industrial da Reigosa “como zona preferente para a ubicación de empresas vencelladas ao porto de Marín”.

Daquela Francisco Veiga porá o berro no ceo e maldecirá a todos os municipios da contorna e á Autoridade Portuaria de Marín, e acusará a todo becho vivente de ‘alta traizón’ porque que mellor sitio que o Monte Pituco para converterse na plataforma loxística do porto. Un porto cuxo presidente xa rexeitou en 2009 a ubicación do porto seco no Pituco por inconvintes de tanto peso como a forte pendente natural do terreo e a imposibilidade de dotar a zona dunha conexión ferroviaria. Pero Veiga non se enterou; estaba tan ocupado co seu rodillo borrando unha raia que as orellas deberon enchérselle de pintura.

Pola súa banda, Pilar Blanco quéixase de que María Ramallo amósase “conforme” de que os orzamentos da Xunta non recollan “proxectos anunciados” como a construcción dun polígono industrial. A voceira do Bng tamén respondeu á pregunta sobre as infraestruturas que lle faltan a Marín.

– Sen dúbida o problema máis grave que ten agora mesmo Marín é o nivel de desemprego. Preto de 3.000 persoas están sen traballo no noso municipio e non existe política de emprego no goberno municipal. Se o goberno local non é quen de conseguir investimentos para Marín o número de persoas sen traballo seguirá medrando, por iso é vital que se leven adiante as infraestruturas pendentes en Marín como o polígono empresarial, o Centro de Saúde, o aparcadoiro soterrado, o auditorio ou a gardería de Seixo. A Xunta de Galiza ven de aprobar o PXOM que o goberno anterior deixou tramitado para a súa aprobación definitiva; agora o PP no goberno local ten a obriga de desenvolvelo, xa non hai excusa para non levar a cabo estas infraestruturas. Marín puido ter o polígono empresarial que o BNG, dende o goberno da Xunta, quixo levar adiante; non foi posible polas circunstancias que todos coñecemos, pero agora non hai impedimentos. Veremos de que é capaz o PP.

Foto da prensa no blog BreaSeixo.

…O Bng de Marín sempre “erre que erre”, laiándose do que puido ser e non foi pola imposibilidade de levar adiante a construcción dos micropolígonos na Brea e Vista Alegre; caendo no victimismo facilón, cando non colgando medallas para si cuxo mérito -ou demérito- deberan compartir coa Corporación local. E así lle vai, recollendo os froitos da súa inmadurez e da súa prepotencia. Tomando da súa propia medicina ao ser multado polo Goberno do PP ao infrinxir o artigo 12 da “Ordenanza xeral de protección medio ambiental” que a propia Pilar Blanco levou a aprobación e que prohibe a colocación dos cartaces que penduraron dun bo número de farolas con propaganda do Bng.

En canto a Isabel Martínez, de Marinenses Independentes, sobre a cuestión das infraestruturas, mantén a postura inicial do seu grupo político, que rexeita a instalación dun futuro polígono no Monte Pituco.

– Por facerlle un resumen empezaría por votar en falta, entre outras cousas, o traslado da Aduana ao recinto portuario, a posta en funcionamento do novo Centro de Saúde Público, a cesión de terreos do Porto para uso da cidadanía, o polígono industrial na Cruz da Maceira en colaboración co concello de Moaña, o remate do saneamento do 100% do concello, a ampliación da casa de cultura do casco urbano de Seixo…

Artigo publicado por Isabel Martínez Epifanio no Faro de Vigo.

Por último, María Ramallo presume de ser a alcaldesa en cuxo mandato se aprobou o Planeamento urbanístico:

– Sin ninguna duda la aprobación definitiva del Plan General de Ordenación Municipal de Marín. Una gran asignatura que teníamos todos pendiente y que hemos sido capaces entre todos de sacarla adelante y creo que con buena nota. Es el mejor Planeamiento posible en estos momentos para Marín y me enorgullece culminar un trabajo de todos, los vecinos nos demandaban una actuación inmediata en este tema que no podía ni debía ralentizarse más, creo que todos actuamos con altura de miras y visión de futuro, ahora estamos articulando los instrumentos necesarios para poder desarrollarlo y cumplir muchas de las expectativas creadas, a eso nos vemos a dedicar.

– ¿Se está notando algo la puesta en vigor del PXOM?

Efectivamente están viniendo a informarse muchos vecinos que quieren saber cómo quedaban sus propiedades después de su aprobación definitiva, expedientes de obras han entrado varios, y de legalizaciones lo que más, pero sin duda creo que eso siempre genera dinamismo en el sector de la construcción y de las reformas que conjuntamente con las ayudas del área de rehabilitación tienen que posibilitar que exista cierto movimiento, teniendo en cuenta de las dificultades para acceder a los créditos, creo que sin duda después de la parálisis vivida, se tiene que notar.

…Das súas palabras cabería destacar a expresión “o mellor Planeamento posible nestes momentos”. Ou como diría o conselleiro de Medio Ambiente, Territorio e Infraestruturas, Agustín Hernández, “es mejor tener un plan que no tenerlo”. Aínda que sexa unha trapallada, poderíamos engadir, pero o caso é telo. Aínda que cause un impacto paisaxístico que porá Marín á altura das localidades máis salvaxes do Estado dende o punto de vista urbanístico. Aínda que se cargue o suministro de auga potable dos veciños que levan séculos bebendo dos acuíferos existentes no Monte Pituco e regando as súas fincas. Aínda que acabe con especies faunísticas únicas no mundo. Aínda que supoña a devastación do entorno inmediato no que se localizan xacementos arqueolóxicos catalogados, protexidos por lei e declarados Bens de Interese Cultural. Aínda que se despilfarren ducias ou centos de millóns de euros no desmonte dun terreo no que máis do 90% supera a pendente máxima recomendada para a construcción de polígonos industriais. Aínda que sexa un disparate monumental e os políticos que aprobaron semellante despropósito cometeran a mantenta unha irresponsabilidade de gran calibre… o caso é ter un PXOM. Burro grande, ande ou non ande.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: