Publicado por: MontePituco | 02/01/2013

AS VELLAS CANTEIRAS DO MONTE

Antiga canteira nas inmediacións do Monte Pituco.

O Monte Pituco está rodeado de antigas canteiras. As penedos desta contorna serviron para construir moitas vivendas dos núcleos de poboación que comezaban a formarse durante o século pasado ou mesmo no XIX en lugares como O Casal ou A Laxe, onde aínda pervive, por certo, o topónimo d’A Canteira. Sería oportuno averiguar a antigüidade destes barrios do rural. Os historiadores e antropólogos pode que tamén dispoñan de datos sobre esa actividade económica que forma parte do pasado recente de Marín: estes puntos de extracción de pedra son vestixios da historia viva da vila e dos seus habitantes; moitos traballaron manexando o pico e a pala, e o repicar das súas ferramentas marcaba o ritmo do tempo no monte.

Antiga canteira nas cercanías do Monte Pituco.

Antiga canteira nas cercanías do Monte Pituco.

Nunha destas vellas canteiras o temporal dos últimos días derrubou unha árbore que medrara no alto dunha rocha escorregadoira cuberta de musgo e liques. Debaixo das súas raíces non había tesouro ningún das mouras. Mouras que quizais, segundo conta a mitoloxía, peiteaban os seus cabelos ao carón de regatos como o que baixa serpenteando a pendente.

Antiga canteira nas cercanías do Monte Pituco.

Antiga canteira nas cercanías do Monte Pituco.

Antiga canteira nas cercanías do Monte Pituco.

Esta canteira ten o seu valor intrínseco; como aqueloutra tamén próxima onde o equipo do Espazo Natural e Arqueolóxico dos Sete Camiños identificou a chamada Pedra do Sapo. E que tal un centro de interpretación das canteiras para complementar un roteiro que percorra estes espazos tan interesantes e descoñecidos?

Antiga canteira nas cercanías do Monte Pituco.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: