Publicado por: MontePituco | 27/12/2012

PLENO DE DECEMBRO (I): BOLICHEROS E DESTRUTORES

O pleno municipal deste mes de decembro foi un dos máis longos do ano: cinco horas e media de sesión que, aínda non tendo moitos puntos na orde do día, deu para longos debates nos que, coma sempre, se remachan as mesmas ideas unha e outra vez nos sucesivos turnos de palabra. Se o cuspe cotizara na Bolsa, algúns edís do Concello de Marín serían moi bos (im)postores.

O primeiro tema, sobre o novo borrador do convenio con Acuanorte, ía sen dictaminar. O concelleiro de Urbanismo, Manuel Santos Costa, explicou que xa en xaneiro se aprobara a participación de Marín nesta iniciativa á que tamén se adheriron Pontevedra, Poio, Sanxenxo e Vilaboa. Daquela, Acuanorte financiaría o 21% dos 31 millóns que custaría a obra, cos fondos europeos Feder cubriríase o 43% e os 11 millóns restantes correrían a cargo dos municipios, o que significaba que a Marín correspondíanlle 1,9 millóns.

O pasado mes de outubro aprobouse un incremento da subvención europea, que pasaba ao 70%, quedando o reparto da seguinte maneira: Acuanorte (4%) 4 millóns, fondos Feder 23 millóns, concellos (15%) 4 millóns, polo que Marín tería que achegar 850.000 euros. Santos Costa pediulle á oposición que apostara “sen figuras” pola sinatura do convenio, ao considerar que se trata dunha “infraestrutura fundamental para Marín”.

O primeiro que lle espetou Francisco Veiga, con ese carácter conciliador e humilde que o caracteriza foi que o grupo municipal do Psoe non lle ía dar esa “satisfacción” nin se ía subir “ao carro”, lembrándolle que se o convenio se aprobara fora cos votos en solitario do PP. Segundo Veiga, a actuación impulsada por Acuanorte “non vai solucionar os problemas da auga, senón que os empeora porque vai hipotecar a posibilidade de que Marín poida autorregularse á hora de xestionar a auga municipal”. O voceiro socialista advertiu que sería un organismo autónomo o que fixara as tarifas e que logo habería que devolver as axudas.

Tamén criticou que aínda se descoñecen os terreos que habería que expropiar en Marín para realizar as obras e que, por riba, non é competencia do Concello de Marín acometer esta infraestrutura “que lle corresponde a Augas de Galicia”. E engadiu, no ton sobrado que tamén caracteriza no seu perfecto castelán de Castela o exalcalde e exresponsable de normalización lingüística: “Vamos de bolicheros y compadreo a hacer una obra que no nos corresponde. Augas de Galicia tenía que involucrarse en el convenio”.

E cabe preguntarse por que o PSOE e, por extensión o BNG de Marín, se opoñen a que o Concello forme parte de Acuanorte. O PSOE e o BNG gobernan en Pontevedra, Poio e Vilaboa, e o PP en Sanxenxo e Marín. Se Acuanorte é bo para os demais, os socialistas e os nacionalistas marinenses parecen non estar de acordo. Como xustifican alí todo o contrario do que non queren para aquí?

Con respecto ao BNG, Xosé María Vilaboa volveu queixarse de como trata o PP os “temas importantes”, argumentando que o convenio con Acuanorte non figuraba na orde do día e carecía de informes técnicos porque no PP “están tan ocupados facéndose fotos”. O concelleiro nacionalista preguntou “canto van custar as obras, como se van pagar, se van pagalas con fondos propios ou van pedir un crédito”. Vilaboa reprochoulle ao grupo de Goberno que podían ter introducido no convenio a construcción dun novo depósito en Mogor e que, trala aprobación da nova Lei de Augas, os veciños resultarían perxudicados pola suba do recibo ata nun 150%. Ao igual que Veiga, dende o BNG demandaron que o PP faga xestións con Augas de Galicia para que sexa Augas a que pague a obra cos cartos que perciba do cobro do canon.

Isabel Martínez Epifanio redundou na ausencia de dictames técnicos sobre este asunto e na súa certeza de que dentro dun tempo o Concello terá que subir o recibo da auga para devolver o montante do que pague Acuanorte . Lonxe de secundar o apoio sen fisuras que demandaba Santos Costa, a concelleira de Mar-In afirmou que o seu posicionamento distante sobre o convenio era do tamaño dunha fenda. Tamén acusou o concelleiro de Urbanismo de presentarse nas comisións informativas “sen saber de que tratan os temas”, argumentando que só vai “cos deberes feitos” aos Plenos porque “están a prensa e o público”. A edil independente tamén cuestionou o custe das obras que implica o convenio de Acuanorte, poñendo como exemplo o sobrecuste que supuxeron proxectos como a Cidade da Cultura no Monte Gaiás ou, sen ir máis lonxe, a remodelación do estado de fútbol de Pasarón, en Pontevedra.

No turno de réplica, o único de interese que achegou o responsable de Urbanismo foi que a obra é “asequible” e que nos 11 meses que a oposición lle acusa de “non facer nada” houbo tan bos froitos como que a achega económica do Concello de Marín se reducía de 1,9 millóns de euros a 850.000, polo que “valeu a pena esperar”. E rematou cunha arroutada que lle saiu revirada porque todos e cada un dos seus adversarios na oposición sacáronlle punta: “Cuando ustedes firman los convenios y apoyamos, está bien; ahora que gobernamos y tenemos que pagar, está mal. Hacen una oposición destructiva”.

A Fran Veiga deulle por invocar ese manido lema do “…E ti máis!” e, ademais de remacharlle o calificativo de “bolichero”, lembrou que o PSOE xa rexeitara o convenio estando el na alcaldía. Ata aí a intervención do voceiro socialista tería sido correcta; todo o demais, estivo de máis porque non fixo máis que poñer de manifesto o ridículos que poden chegar a ser os seus plantexamentos cando se empeña en ter máis que dicir.

…Que se a auga “tróuxoa Pierres” na época do tripartito. Que se foi o PSOE o partido que solucionou os problemas de abastecemento de Marín”. Que se o PP só sabe poñer “plaquitas”. Que se “os únicos que defenden os intereses de Marín son os da oposición”. Que se o PP actúa con “soberbia” mentres o Psoe é exemplo de “lealdade e sentido de colaboración”…

Resulta patético que alguén fale das “plaquitas” alleas cando durante o seu mandato se de algo abusou foi de inundar Marín de placas por aquí e acolá. O Parque dos Sentidos, sen ir máis lonxe. Resulta insultante que alguén se arrogue cualidades como a lealdade e a colaboración cando, con colectivos como Defende o Monte Pituco, a súa actitude foi máis que soberbia, arrogante ata o extremo do desprezo e do ninguneo absoluto. Sinxelamente, é un personaxe que non merece máis respecto do cívicamente indispensable. E, no que a este artigo respecta, nin unha liña máis.

A demagoxia foi o argumento de Vilaboa no seu segundo turno, para lembrar que en Marín hai 3.000 parados e que a veciñanza ía ver “triplicado nun 200%” (non era un 150%? a próxima vez dirá nun 300%?) o recibo da auga.

E Isabel Martínez foi a máis lúcida dos tres, ao espetarlle unha gran verdade ao PP: “Como van saber se a achega do Concello é asequible se non fixeron aínda o orzamento?”.

Ao final, os votos do PP foron os únicos que decidiron incluir ese punto na orde do día e que, a continuación, votaron a favor do convenio de Acuanorte.

………………………………

Lembran aquel blogue marinense… como se chamaba? … BreaSeixo? O mesmo! Xa en abril de 2011 se falaba do tan traído e levado problema do suministro de auga en Marín. Botémoslle unha ollada, porque nunca está de máis facer memoria:

Na Voz de Galicia atopeime coas declaracións electorais que fixo o candidato á alcaldía de Pontevedra polo PSOE, Antón Louro. Este señor promete que cando el sea Alcalde o recibo da auga vai ser mais barato, entre outras cousas, porque Pontevedra está metida nun proxecto importantísimo con AcuaNorte que vai renovar a rede de auga de varios municipios: Poio, Sanxenxo e Pontevedra.

Esta noticia deixoume algo abraiada, posto que, como todos sabedes, o concello de Marín non quixo entrar neste proxecto porque, según palabras pronunciadas por Muradas e que pudemos ler na prensa do día 20 de abril, o plan AcuaNorte obligaría a triplicar o recibo da auga.

Cal dos dous socialistas minte?

A quen lle facemos caso?

Probablemente ámbolos dous mintan.

E a ese respecto, o alcumado Metropolitano facía a seguinte reflexión no Foro Marinenses:

Este es el problema de no poner placas como se pusieron en Briz para recordar quien hizo la casa, quien la compró, quien hizo un obradoiro, quien abrió. Sanchez Presedo fué su autor, quien lo planificó y también fué un intento de modernizar el Psoe frente a AP, pero dentro del propio Psoe se lo paparon. No hace muchos días teniamos a Teresa Casal tirandole de las orejas a Marín por haberse salido de Acuanorte sin importarle que de esa forma le estaba tirando de las orejas a su propio partido. Philosophus Pecunia Expeditor (Flex Colchon) desvela que si Marín formase parte de Acuanorte se triplicaría el recibo del agua y el gobierno de Marín ha pensado que eso era una gran carga para sus ciudadanos. 
Pontevedra gobernada por el BNG en coalición con el PSOE subirá el recibo del agua a sus ciudadanos hasta el triple de lo actual. Telmo Martín ya tiene un buen argumento de campaña contra sus adversarios y se lo ha proporcionado un alto cargo del PSOE en Marín y Diputación. 
Poio gobernado por el BNG en coalición con el PSOE subirá el recibo del agua a sus ciudadanos hasta el triple del actual. El Sr. Dominguez, del PP, ya tiene un excelente argumento de campaña también. 
Sanxenxo, gobernado por el PP, lo tiene fatal porque le van a dar caña desde el Psoe y Bng por lo que pueda subir el recibo del agua que se lo confirma un alto cargo del PSOE en Marín y que debe ser verdad porque lo dice el propio PSOE aunque eso le perjudica al BNG y PSOE en Pontevedra y Poio.

Publicado no artigo titulado “Auga (I)“.

…Por non falar da placa de “quita e pon” que descubriu Fran Veiga en Seixo en marzo de 2011.

Da páxina web do Concello de Marín.

Publicada no artigo “Auditorio ao aire libre de Seixo (IV)“.

Dicía o ensaísta e dramaturgo belga Maurice Maeterlinck:

“O pasado sempre está presente”.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: