Publicado por: MontePituco | 22/12/2012

EXPOSICIÓN ITINERANTE ‘SEXO NA PEDRA’

"Sexo na pedra", exposición de Federico de la Peña no Palacete das Mendoza, ata o 7 de xaneiro.

Se teñen preto unha igrexa de estilo románico, dean unha volta ao redor e fíxense nos capiteis e modillóns de pedra que sosteñen as cornixas. Tal vez atopen algunha figura suxerente que se poida engadir ao catálogo de imaxes expostas ata o 7 de xaneiro no Palacete das Mendoza de Pontevedra, sede do Patronato de Turismo Rías Baixas.

Porque así foi como xurdiu a mostra “Sexo na pedra”, por casualidade, ao percatarse o naturalista Federico de la Peña que algúns deses elementos nos que se fixou nos seus percorridos eran representacións de escenas eróticas, membros sexuais esculpidos sen ningún recato, ou beodas en plena celebración etílica. A partir de aí, co apoio da Deputación de Pontevedra, xurdiu un traballo de campo e de documentación gráfica que deu lugar a un documental audiovisual e unha exposición que vai percorrer, despois de Pontevedra, varias localidades da provincia.

"Sexo na pedra", exposición de Federico de la Peña no Palacete das Mendoza, ata o 7 de xaneiro.

Ademais dos comisarios da mostra, Fátima Cobo e o propio Federico de la Peña, tamén colabora nesta mostra o ilustrador Guillermo de la Peña López, con catro láminas tituladas “Canteiros”, “Xograres”, “Inferno” e “Destrutores de canecillos”, que complementan as fotografías con recreacións históricas da época medieval.

Na web do Museo de Pontevedra presentan a exposición con estas palabras:

“Corenta fotografías tomadas dos elementos arquitectónicos das igrexas románicas de Galicia, con claro protagonismo das pontevedresas, que adoitan pasar desapercibidas para os visitantes e incluso para os propios veciños. As imaxes mostran actitudes que a igrexa medieval consideraba que fomentaban o vicio e así se representaban órganos sexuais, escenas pornográficas, músicos, contorsionistas e personaxes comendo ou bebendo esaxeradamente e en posturas eróticas, así como as consecuencias derivadas deses actos, como o castigo ó que eran sometidos os pecadores”.

"Sexo na pedra", exposición de Federico de la Peña no Palacete das Mendoza, ata o 7 de xaneiro.

No blog de Federico de la Peña coméntanse varias cuestións relacionadas co proceso de preparación desta mostra, como a anécdota co párroco da igrexa de San Bartolomé de Rebordáns, en Tui, que se reservaba os dereitos derivados da reproducción das imaxes do interior do templo.

Dende Pontevedra ata A Estrada, pasando por Rodeiro ou Silleda, esta exposición achéganos a un aspecto moi descoñecido da nosa historia, 800 anos atrás no tempo. Paga a pena, aínda que sexa para botar tamén unhas risas.

"Sexo na pedra", exposición de Federico de la Peña no Palacete das Mendoza, ata o 7 de xaneiro.

Máis información, na reportaxe de Susana Regueira publicada no Faro de Vigo: “Erotismo de hace un milenio“.

Diario de Pontevedra, 22 de decembro de 2012.


Responses

  1. Graciñas pola referencia e espero que gostaran da exposición.

    Saúdos cordiais!

    • Claro que si. Noraboa polo traballo. Grazas pola visita ao blogue e polo comentario. Saúdos.

  2. Muchas gracias por difundir la exposición. Abrazos. Federico de la Peña

    • Foi moi interesante. Noraboa polo traballo. Agardamos que teña moi boa acollida nas demais exposicións que se vaian realizando. Grazas pola visita ao blogue e polo comentario. Saúdos.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: