Publicado por: MontePituco | 17/12/2012

SATISFACCIÓN POLAS NOVAS BEIRARRÚAS NA AA.VV. SAN XULIÁN

Diario de Pontevedra, 15 de decembro de 2012.

A páxina local do Diario de Pontevedra fíxose eco dunha nota informativa elaborada nestes días pola Asociación de Veciños de San Xulián sobre a reforma da estrada da parroquia coa dotación das novas beirarrúas; unha infraestrutura que o colectivo veciñal viña demandando dende hai 10 anos, co esforzo de quen fora o seu presidente, Xan Montenegro. DEFENDE O MONTE PITUCO súmase ao malestar da concelleira de Mar-In, Isabel Martínez Epifanio, ao demandar que se vaia pasando das palabras aos feitos cando a alcaldesa de Marín, María Ramallo, lle trasladara á familia Montenegro a súa intención de plasmar publicamente o “recoñecemento” a este veciño poñéndolle o seu nome ao vial reformado. Hai que ser valentes e non ceder a presións interesadas e malévolas. En calquera caso, con ou seu homenaxe, a memoria de Xan Montenegro estará SEMPRE VIVA, lle pese a quen lle pese.

A Asociación de Veciños de San Xulián quere expresar a súa satisfacción polo remate das obras de reforma da estrada desta parroquia, que veñen de ser inauguradas polo presidente da Deputación, Rafael Louzán, e pola alcaldesa de Marín, María Ramallo. Despois dos meses de traballo que foron necesarios para culminar satisfactoriamente esta actuación, na que se investiu un millón de euros, a veciñanza de San Xulián conta cun vial ao que o propio Louzán se referiu xa como unha “avenida”, pola que peóns e condutores poden desprazarse con plenas garantías de seguridade.

A Asociación de Veciños de San Xulián agradece a contribución da Deputación de Pontevedra e do Concello de Marín na sinatura do convenio que fixo posible a mellora dun treito de case un quilómetro de lonxitude, así como a xenerosa colaboración dos propietarios que cederon terreos para a construcción das novas beirarrúas.

A reforma da estrada de San Xulián era unha demanda histórica da parroquia dende que, a partir de 2003, a directiva da Asociación de Veciños, a través de Xan Montenegro, comezara a cursar reiteradamente esta petición ante o Concello de Marín e a Deputación Provincial. Foi unha reclamación á que, malia as dificultades, os avances e os retrocesos nas sucesivas negociacións coas Administracións, nunca se renunciou, e na que Xan Montenegro volcou un enorme esforzo ata o seu prematuro pasamento, en xuño de 2011.

Por iso adquiren moito valor as palabras de recoñecemento por parte do presidente da Deputación hacia a figura de Xan Montenegro no marco do acto de inauguración celebrado onte en San Xulián, ao lembrar que estiveron ambos estiveron reunidos no Pazo Provincial “hai bastantes anos” abordando o proxecto de construcción das beirarrúas: “Hai persoas que loitaron e gustaríalles estar hoxe aquí, seguramente, para ver que ese afán por mellorar a calidade de vida dos veciños se logrou, porque houbo unión e traballo entre todos. Por tanto, tamén a eles o noso recordo e a nosa noraboa”, sinalou Louzán na súa intervención.

Ao remate do acto, unha representación da Asociación de Veciños de San Xulián e da familia Montenegro Villanueva, agradecéronlle ao titular da Deputación a súa deferencia. Coa consecución deste obxectivo, a Asociación de Veciños de San Xulián dá por concluida unha etapa para afrontar novos desafíos que redunden no progreso da parroquia. E para iso, a principios do vindeiro ano 2013, convocará os seus afiliados a unha asemblea na que se plantexarán, entre outras cuestións, a renovación da xunta directiva.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: