Publicado por: MontePituco | 02/10/2012

ASFALTADO DA ESTRADA DE SAN XULIÁN, 2ª FASE

As obras da estrada de San Xulián están xa na recta final: as máquinas remataron hoxe de asfaltar o treito pendente, entre o cruce co Igrexario e a Casa de Montes, na subida cara á Lagoa de Castiñeiras. Coas beirarrúas recén contruídas, coa maioría dos muros repostos, a instalación de alumeado público e de barandillas, o único que falta é a sinalización horizontal e vertical deste vial, que experimentou unha considerable mellora co investimento realizado pola Deputación de Pontevedra, coa colaboración do Concello de Marín e da veciñanza da parroquia na cesión de terreos.

Sen dúbida, son as beirarrúas que merece San Xulián, as que demandou durante tantos anos a Asociación de Veciños con Xan Montenegro como buque insignia. Haberá que agardar un pouco máis para comprobar se se concreta a proposta de poñerlle o seu nome a esta estrada convertida nunha avenida de categoría.

A partir de agora cómpre que os usuarios respecten e coiden estas infraestruturas, que están a piques de pasar ao patrimonio do Concello, e por tanto, como bens públicos, serán de toda a cidadanía. Que non se estraguen as farolas, que non se lixen con pintadas os valados, que se manteñan limpas as beirarrúas (para o que sería oportuno a instalación de papeleiras), que os vehículos non estacionen paralelamente nas dúas beiras da estrada e se limiten á parte pintada con esa finalidade…

Con máis ou menos aroma electoral, o importante é pechar esta longa etapa para que a parroquia poida avanzar na mellora doutros espazos.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: