DEFENDE O MONTE PITUCO (Pornedo)

As obras de reforma da estrada de San Xulián, que a finais de xullo quedaran paradas, volveron poñerse en marcha. Este pasado venres anunciárase con varios avisos instalados nalgúns postes e portais, que hoxe luns e mañá martes quedaba prohibido aparcar vehículos. Efectivamente, as máquinas -que en días anteriores xa estiveran fresando algúns treitos de asfalto- retornaron a San Xulián para asfaltar o vial, trala construcción das beirarrúas. Nunha primeira fase, a nova capa de rodadura vai dende o cruce coa barriada de San Pedro ata o cruce co Igrexario. A segunda parte chegará ata a Casa de Montes de San Xulián.