Publicado por: MontePituco | 10/09/2012

CONSELLEIRO, SERÁ POR PEDRAS!

(Foto: X. Ameixeiras, La Voz de Galicia, 10/09/2012).

(Foto: Javier Toba, El Correo Gallego, 10/09/2012).

O titular de Medio Ambiente, Territorio e Infraestruturas na Xunta de Galicia, Agustín Hernández, visitou este fin de semana a vila mariñeira de Muxía con motivo da tradicional romaría da Virxe da Barca. Fora por compromiso ou por devoción, o caso é que o conselleiro -elegantemente ataviado de traxe, gravata e os zapatos dos domingos- foi quen de pasar -sen case despeinarse- por debaixo da Pedra dos Cadrís. Fixo ben encomendarse á divinidade, posto que as eleccións autonómicas están á volta da esquina e non está o forno para bolos.

Á vista da súa estilosa destreza agatuñando polas pedras, querémoslle reiterar unha vez máis a invitación para visitar o Monte Pornedo e os lugares inscritos no ámbito do proxecto de creación do Espazo Natural e Arqueolóxico dos Sete Camiños, onde tamén hai penedos que merecen a súa atención: está a Pedra do Sapo, un exemplar zooforme cun cubículo na súa parte inferior onde un home de tipo fino coma el cabería perfectamente; está o abrigo rochoso da Campá, que podería ter a súa orixe no Paleolítico e que con toda probabilidade foi utilizado como refuxio natural; e está o miradoiro do Pornedo, linde natural entre os municipios de Marín e Pontevedra, dende o que se divisa unha fantástica panorámica da ría.

Pedra do Sapo.

Abrigo rochoso da Campá, no Espazo Natural e Arqueolóxico dos Sete Camiños.

Miradoiro natural do Monte Pornedo.

…Conselleiro, será por pedras!


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: