Publicado por: MontePituco | 02/07/2012

50 ESPECIES BOTÁNICAS CLASIFICADAS

A sección da “flora” silvestre do Pornedo creouse para dar a coñecer as plantas que medran neste espazo natural. Non se pode reivindicar a conservación dun lugar ignorando que especies o habitan. E pouco a pouco foise revelando como un apartado moi importante do blogue DEFENDE O MONTE PITUCO. Unhas medran espontaneamente na beira dos camiños; para dar con outras máis agochadas cómpre picarse entretupidos toxais e silveiras; tamén nos detemos naquelas máis desapercibidas que medran ao abeiro dos rochedos… Descubrimos que moitas teñen propiedades medicinais, ou que antano se aproveitaban para usos domésticos; hainas mesmo de procedencia foránea, que se foron introducindo neste contorno por algunha sorte de colonización global. De todas as cores, formas e tamaños; de apariencia humilde ou sorprendentemente exuberantes; propias de chans secos ou húmidos. A súa presenza demostra que no Pornedo hai unha valiosa biodiversidade que merece atención e respecto. Non en van, pola súa escaseza, algunha que outra planta figura no Catálogo de Especies Vulnerables.

Antigamente a vexetación do Pornedo servía para estrar as cortes dos núcleos de poboación veciños. Na actualidade, aínda que en moita menor medida, tamén os hai que veñen apañar  toxo e o fento, prolongando ata os nosos días a utilidade social do monte para o medio rural. Como pulmón verde da vila, o monte ten unha función ecolóxica indispensable e irreemprazable. E ante a progresiva perda de espazos naturais autóctonos, o Pornedo -que dende sempre recibe a paseantes propios e estranos con sensibilidade pola natureza- ben podería asumir unha misión educativa nada desprezable (téñano en conta os centros escolares interesados en formar o seu alumnado en valores ambientais).

Coa axuda da “Guía das plantas de Galicia” de Xosé Ramón García (Xerais, 2008), descubrimos un mundo fascinante. Neste particular Paraíso noso -de todas e todos- xa case sabemos nomear 50 especies botánicas. Seguiremos “andainando”, cámara en ristre, para seguir observando de vagar as herbas, as flores, as árbores, os liques que outros ignoran e desprezan… para seguir aprendendo das marabillas naturais do Monte Pornedo.

…PARA QUEN O SAIBA APRECIAR…

[ POLÍGONO, NON! ]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: