Publicado por: MontePituco | 19/05/2012

MANIFESTACIÓN CONTRA A LEI DE MONTES

A Organización Galega de Comunidades de Montes en Man Común convoca, para o vindeiro 9 de xuño en Santiago de Compostela, unha manifestación de protesta contra a Lei de Montes de Galicia, nos termos nos que actualmente está sendo tramitada pola Xunta. A xunta rectora da Organización reúnese hoxe en Pontevedra para iniciar a campaña previa a esta movilización, e que conleva a organización de asembleas informativas en diferentes localidades. Os motivos que se aducen para rexeitar a Lei de Montes son os seguintes:

1.‐ Sitúa os montes veciñais en man común no ámbito das titularidades privadas cando o monte veciñal e unha titularidade comunitaria (nin privada, nin pública).
2.‐ Deixa o monte veciñal fóra de todo tipo de protección diante dos instrumentos de ordenación do territorio e dos instrumentos de planificación dos concellos.
3.‐ Define os termos forestal e monte como sinónimos, cando o forestal e só un aspecto do monte.
4.‐ Permite a forestación das terras agrarias.
5.‐ Deixa os concellos como competentes para retirar o gando dos montes veciñais que non estean nin autorizados, nin identificados. Cando, para que esta medida fose eficaz, a retirada do gando tiña que facela a Administración Autonómica.
6.‐ Obriga a investir o 35% de todos os ingresos en mellora do monte, sen ter conta o que define os plans de ordenación de cada monte.
7.‐ Obriga, cada seis meses, a presentar o xustificante destes investimentos, e se nonn se fai, as comunidades de montes son castigadas sen dereito a recibir subvencións.
8.‐ Facilita a usurpación dos montes veciñais a favor das empresas naqueles montes veciñais que non sexan xestionados de forma multifucional, onde a Administración Autonómica e xuíz e parte.
9.‐ Non condona as débedas dos consorcios e dos convenios.
10.‐ A Administración Autonómica deixa de facer os deslindes dos montes veciñais.
11.‐ Non acepta compensacións económicas as comunidades de montes por ser sumidoiros de CO2.
12.‐ Non acepta a implantación dun canon para aquelas servidumes que ten o monte veciñal (tendidos eléctricos e outros), que foron instalados nos monte veciñais antes de que estes fosen devoltos os veciñanza comuneira.
13.‐ Derroga, na practica, a vixente lei de prevención de defensa contra os incendios forestais, sobor de todo no que fai referencia as distancias de seguridade e a de permitir forestar en réxime de monocultivo forestal mais de 50 has.

(Fonte: páxina da Organización Galega de Comunidades de Montes en Man Común).

En resume, tres son as principais demandas de cambio na elaboración desta lei:

-Que recoñeza os montes veciñais como titularidade comunitaria.
-Que protexa e non usurpe os montes veciñais.
-Que permita un monte veciñal multifuncional e sustentable.

A manifestación conta co apoio da Alianza por un Medio Rural Galego Vivo, da que participan a Asociación pola Defensa Ecolóxica de Galicia ADEGA, a Federación Rural Galega FRUGA, e a Confederación Intersindicar Galega CIG.

MÁIS INFORMACIÓN:

Borrador da Lei de Montes.

Alegacións á Lei de Montes.


Responses

  1. […] 9 de Xuño, Manifestación contra a Lei de Montes montepituco.wordpress.com/2012/05/19/manifestacion-contra-a-…  por raxozorza hai 4 segundos […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: