Publicado por: MontePituco | 09/05/2012

NO DÍA INTERNACIONAL DAS AVES, AS RAPACES QUE HABITAN NO PORNEDO

Tal día coma hoxe, hai un ano, dábase conta neste blogue da celebración do Día Internacional das Aves. Nesta xornada a efemétide pasou practicamente desapercibida nos medios de comunicación. DEFENDE O MONTE PITUCO quere seguir reivindicando a riqueza da biodiversidade deste enclave natural marinense pola presenza de diversas especies avícolas, especialmente aves rapaces asociadas a espazos abertos, que usan este contorno como lugar de paso na etapa migratoria, ou cando se atopan en fase de dispersión xuvenil.

Nas alegacións presentadas recentemente ao Plan Sectorial de Áreas Empresariais de Galicia, DEFENDE O MONTE PITUCO presentou unha relación das aves identificadas nesta área, a partir dos informes dun experto nesta materia:

-Tartaraña cincenta (Circus pygargus). Visto en paso migracional.

-Curuxa das xunqueiras (Asio flammeus). Visto en paso migracional.

-Lagarteiro (Falco tinnunculus). Visto en dispersión xuvenil.

Tamén existen outras aves rapaces que residen e aniñan no contorno próximo do Monte Pituco durante a primavera e o verán:

-Miñato (Buteo buteo). Residente e nidificante.

-Miñato abelleiro (Pernis apivorus). Estival nidificante.

-Falcón pequeno (Falco subbuteo) Estival nidificante.

-Gabián (Accipiter nisus). Residente e nidificante.

-Avelaiona (Strix aluco). Residente e nidificante.

-Curuxa (Tyto alba). Residente e nidificante.

Sen contar as máis comúns ou habituais da zona, a avifauna do Monte Pituco complétase con estoutras especies de interese:

-Avenoiteira cincenta (Caprimulgus europaeus). Estival e nidificante.

-Andoriña dáurica ( Hirundo daurica). Estival e nidificante.

-Abellaruco (Merops apiaster). En paso.

-Ouriolo (Oriolus oriolus). En paso.

O Monte Pornedo é un dos poucos espazos abertos que quedan no termo municipal marinense, unha característica que, unida á súa ubicación estratéxica, no saco da ría e no comezo da península do Morrazo, convérteo nun punto ideal para a observación das aves. A construcción dun parque industrial é incompatible coa presenza da fauna avícola salvaxe: a contaminación acústica, do aire e da auga, que derivaría da urbanización desta área e do tránsito viario, estragaría esta posibilidade de forma irreversible. POLÍGONO NON!

 

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: