Publicado por: MontePituco | 17/04/2012

XORNADAS ‘POR UN MEDIO RURAL GALEGO VIVO’


 Este venres día 20 no salón de actos do Concello de Pontevedra e o sábado 21 no local da Comunidade de Montes Rega dos Agros, en Combarro (Poio), vanse celebrar as xornadas “Por un medio rural galego vivo”. Están organizadas pola Organización Galega de Comunidades de Montes Veciñais en Man Común, a CIG, a Federación Rural Galega FRUGA e o colectivo ecoloxista ADEGA. O obxectivo desta iniciativa é fortalecer as “alianzas sociais en defensa do noso medio rural”.

As sesións están planificadas para abarcar a realidade do medio rural dende diferentes perspectivas e distintos eidos de acción. Farase achegamentos á Política Agraria Comunitaria, ás políticas de emprego do rural, ás políticas ambientais ou á xestión dos montes comunais. Ademais de afondar na situación de Galicia, tamén se poderán coñecer outras experiencias que se están a desenvolver noutras rexións españolas ou na veciña Portugal, abrindo así novos vieiros e perspectivas no desenvolvemento do noso agro.

VENRES 20: Salón de actos do Concello de Pontevedra

-18:30 h: Apertura da mesa de traballo.

Representantes da organización. Alcalde de Pontevedra, Miguel Fernández Lores.

-19:00 h: Mesa de traballo para a constitución da alianza rural.

-21:00 h: Cea de confraternización

 SÁBADO 21: Local social da Comunidade de Montes Rega dos Agros (Combarro, Poio)

-09:30h: Apertura das xornadas

Claudio Quintillán, presidente da Comunidade de Montes Rega dos Agros. Luciano Sobral, alcalde de Poio

-10:00 h: Conferencia inaugural “Políticas de desenvolvemento rural”, con Mar Pérez Fra, da Universidade de Santiago de Compostela.

-11:00 h: Pausa-café

-11:30h: Mesa redonda “Un medio rural multifuncional e sustentable”.

‘A reforma da Política Agraria Común no horizonte 2014-2020’, a cargo de Manuel da Cal Vasques, coordinador da FRUGA

‘A xeración de emprego no medio rural’, por Anxo Pérez Carballo, secretario confederal de Medio Ambiente da CIG

‘A política ambiental necesaria’, a cargo de Xabier Bruña García, vogal de Medio Rural de ADEGA

‘Os montes veciñais en man común: xestión comunitaria dos recursos’, por Xosé Carlos Morgade Martínez, vogal da xunta reitora da Organización Galega de Comunidades de Montes Veciñais en Man Común.

-13:00 h: Debate

-14:00 h: Xantar

-16:00 h: Mesa redonda “Diversas experiencias de desenvolvemento rural”

‘Os baldíos e o desenvolvemento das áreas comunitarias’, con Amando Carvalho, da Federaçao Nacional de Baldíos de Portugal.

‘Xestión de montes veciñais asturianos’, con Álvaro Gómez Collado, avogado de Futureland Consultores SLP.

‘A custodia agraria como ferramenta de desenvolvemento rural’, con Núria Llabrés, de GOB Menorca.

‘Madeira, transformación e cooperativismo’, con Ramón Martín Salvador, de Duruelo de la Sierra (Soria), experto en cooperativismo.

‘Reconversión dun aproveitamento gandeiro tradicional nun aproveitamento multifuncional e ecolóxico en Vila de Cruces’, con Pilar Vispo, labrega de Camanzo (Vila de Cruces).

-18:00 h: Debate

-19:00 h: Clausura das xornadas e presentación pública da alianza “Por un medio rural galego vivo”, coa participación de:

Virginia Rodríguez Álvare, presidenta de ADEGA; Xesús Seixo Fernández, secretario xeral da CIG; Xurxo Álvarez Pérez, presidente da FRUGA; Xosé Alfredo Pereira, presidente da Organización Galega de Comunidades de Montes Veciñais en Man Común.

PROGRAMA EN FORMATO PDF: “POR UN MEDIO RURAL GALEGO VIVO“.

(Inscrición gratuita no enderezo de correo electrónico alianza.rural.galega@gmail.com, indicando nome, apelidos, forma de contacto e se vai asistir ao xantar).


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: