Publicado por: MontePituco | 07/02/2012

A VERSIÓN DO POLÍGONO DESEÑADA POLA XUNTA

Isto é o que hai no Plan Sectorial de Ordenación de Zonas Empresariais sobre o proxecto de instalación dunha plataforma loxística na zona Marín-Pontevedra.

Este outro mapa é a aberración de polígono industrial que propoñía instalar no Monte Pornedo o anterior goberno local bipartito PSOE-BNG, cunha extensión superior aos 700.000 metros cadrados, nun espazo de máxima intervisibilidade (impacto paisaxístico), segundo o proxecto de PXOM, e cun forte desnivel: o 93% do terreo tería unha pendente superior ao 15%, e o 57% tería máis do dobre da pendente máxima recomendada para a construcción de parques empresariais. Por non falar da afección aos acuíferos e ao patrimonio histórico, entre outros perxuízos. Un auténtico despropósito.

A oferta era tan sumamente ruín, que os técnicos contratados pola Xunta para o estudo das zonas empresariais elaboraron un novo proxecto que non se parece a penas en nada ao inicial proposto dende o Concello de Marín. A extensión desta nova área industrial tería tan só 279.364 metros cadrados, dos cales a superficie neta quedaría en 167.618 matros cadrados. Sen embargo, nin o actual Goberno local marinense nin os partidos da oposición puxeron o acento -nin o mentaron sequera- nun detalle sumamente importante: o proxecto de plataforma loxística Marín-Pontevedra afecta en maior medida -dous terzos, tal vez- ao concello veciño, mentres que a superficie afectada no termo municipal de Marín é a mínima expresión con respecto da barbaridade que pretendía o anterior goberno local, liderado por socialistas e nacionalistas, co apoio de populares e independentes.

Conclusións: o actual panorama dos proxectos de solo empresarial que lle atinxen a Marín, ademais de seguir sendo inoportunos e improdecentes, porque seguen afectando a unha zona de alta fraxilidade visual en plena fachada da ría, porque seguen causando un impacto directo sobre diversos xacementos arqueolóxicos e mananciais naturais, e porque agreden o Espazo Natural Protexido dos Montes do Morrazo, demostran que a xestión urbanística que se realizou nos últimos anos neste concello foi un ABSOLUTO FRACASO pola falta de rigor, a incompetencia e a estreitez de miras dos responsables políticos desa planificación, á vista de que os técnicos da Xunta estanlles enmendando a plana de forma contundente.

Aínda así, cómpre destacar que o propio Plan Sectorial recoñece que o proxecto de plataforma loxística Marín-Pontevedra tería unha escasa viabilidade socioeconómica e ambiental.


Responses

  1. […] artigo titulado A VERSIÓN DO POLÍGONO DESEÑADO POLA XUNTA, de febreiro de […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: