Publicado por: MontePituco | 05/02/2012

ÉXITO DO ROTEIRO POLOS MONTES DO MORRAZO

Máis de 200 persoas desafiaron o frío, a néboa e a choiva que desluciu o roteiro reivindicativo a pé organizado pola Plataforma en Defensa dos Montes do Morrazo para expresar o rexeitamento social á instalación dun parque eólico no lugar de Pedras Negras, que contempla situar ata 14 aeroxeneradores en distintos puntos deste Espazo Natural Protexido polas Normas Subsidiarias e Provinciais de Planeamento.

A marcha partiu do parque forestal de Chan de Arquiña, onde se sitúa unha das mámoas máis coñecidas da bisbarra. Ao longo do traxecto fóronse explicando as afeccións que conlevaría este proxecto: a nivel ambiental e paisaxístico, agresións á fauna e á flora da zona, afectación do terreo pola apertura de viais, zanxas e a construcción dunha subestación eléctrica, impacto acústico e contaminación no nacemento de diversos ríos que teñen o seu nacemento nestes altos…

Entre os participantes na andaina atopábanse varios membros do Clube de Parapente do Morrazo, que leva máis dunha década utilizando Coto do Home como punto de despegue. Trátase do lugar máis elevado da comarca, a 624 metros de altitude sobre o nivel do mar, e ata aquí achéganse afeccionados a esta práctica deportiva non só de Galicia, senón do resto do Estado.

As inclemencias meteorolóxicas, que impediron aos asistentes gozar das espléndidas vistas panorámicas sobre as rías de Pontevedra e Vigo, a enseada de San Simón, ou o Parque Nacional das Illas Atlánticas, obrigaron a recurtar o traxecto. A Plataforma en Defensa dos Montes do Morrazo anunciou que en datas próximas organizarase outra marcha para seguir concienciando a cidadanía sobre os perxuízos deste proxecto de parque eólico.

Os Montes do Morrazo cumpren as concidións para seren integrados na Rede Natura, segundo o colectivo ecoloxista Luita Verde, polo que a Plataforma vaille esixir á Xunta que faga extensiva esa figura de protección ambiental a todo este contorno.

Máis información e máis fotos, no blog da Plataforma en Defensa dos Montes do Morrazo.


Responses

  1. […] https://montepituco.wordpress.com/2012/02/05/exito-do-roteiro-polos-montes-do-morrazo/ […]

  2. […] *Artigo sobre o 2º roteiro polos Montes do Morrazo. […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: