Publicado por: MontePituco | 31/01/2012

BNG: AÍNDA MÁIS QUE DICIR…

…Aínda ten máis que dicir, a voceira municipal do BNG. O seu comunicado resúmese en dúas palabras: hipocresía e manipulación. Hipocresía, porque pretende ir de ‘ecoloxista último modelo’ na súa defensa de Pastoriza, totalmente lexítima, por outra parte. Porque é ben certo que Pastoriza pertence aos Montes do Morrazo, catalogados como Espazo Natural Protexido polas Normas Subsidiarias e Provinciais de Planeamento. Porque ademais nesa zona está o nacemento de varios regatos, e seica aniña nalgún burato unha rara especie de morcego. A Plataforma en Defensa dos Montes do Morrazo, á que pertende Defende o Monte Pituco, tamén está en contra da instalación dun polígono industrial nesa ubicación.

Pero que Pilar Blanco teña a ousadía de dicir nese pésimo escrito que “outra consideración merece o Pituco” é totalmente inadmisible. A voceira municipal do BNG empéñase en DISCRIMINAR o Monte Pituco, que TAMÉN pertence aos Montes do Morrazo, que TAMÉN ten protección ambiental. E ademais, para que a Pilar Blanco e aos seus acólitos lles quede claro, aínda que claro xa o teñen por máis que non lles interese recoñecelo, o Monte Pituco -ou Pornedo- é unha zona de máxima intervisibilidade, é dicir, de moita fraxilidade visual; unha zona na que calquera actuación tería un grande impacto paisaxístico e ambiental.

E non só iso: están as mámoas e os gravados rupestres declarados Bens de Interese Cultural, arredor dos cales é obrigatorio gardar un perímetro de protección de 200 metros; están os mananciais naturais, está a forte pendente do terreo. Por estar, está tamén unha especie de anfibio da que en próximas datas se dará cumprida conta nesta mesma páxina, e pola que agardamos que Pilar Blanco & Cía teña tanta consideración como polos respectables quirópteros de Pastoriza.

Que curioso que Pilar Blanco se preocupe tanto polas hemerotecas e polos convenios que asinaron ou deixaron de asinar no ano da polca a alcaldesa María Ramallo no seu cargo anterior como presidenta da Autoridade Portuaria, con quen entón era o rexedor municipal, Antonio Santiago, para construir ou deixar de construir un polígono industrial no Monte Pornedo. Que curioso que coincida xustamente coa mesma preocupación que un/unha comentarista habitual deste blog, denominado “Marínporfin”, que hai a penas uns días nos taladrou canto quixo e máis con esa mesma matraca. Unha de dúas: ou Marinporfin e Pilar Blanco son unlla e carne, ou tan unlla e carne son, que Marinporfin e Pilar Blanco son a mesma persoa.

Pilar Blanco -e o seu alter ego Marinporfin- prefire remontarse á orixe antediluviana dos tempos en vez de remontarse ao pasado máis inmediato: Faro de Vigo edición Pontevedra, do 18 de novembro de 2009, páxina 3. Antetítulo: “Consecuencias de la sentencia del Tribunal Supremo sobre los rellenos”. Titular: “Suárez recuerda a Marín que la propuesta de Monte Pituco fue desechada en 2000”. Subtítulo: “Los técnicos consideraron inviable un puerto seco ahí por el desnivel del terreno”.

‘Sentimos’ que a Pilar Blanco e ao BNG de Marín lle chirríe tanto esta evidencia, porque lle desmota o seu feble argumento a prol da urbanización do Monte Pituco. E porque sobra dicir que, por suposto, é imposible a dotación dunha conexión ferroviaria neste emprazamento. Por iso o empecinamento da voceira nacionalista resulta ridículo, por non dicir, delirante. E probablemente lle fastidie o que vai pasar nesta páxina nos próximos días: que lle imos contar á cidadanía marinense por que o Plan Sectorial de Ordenación de Áreas Empresariais lle dá tan baixa puntuación ao polígono que tanto se empeña ela en instalar no Pituco.

Se cadra, habería que preguntarlle a Pilar Blanco por que non foron invitados a esa reunión co conselleiro de Medio Ambiente o seu colega de partido en Pontevedra, o alcalde Miguel Fernández Lores e o edil de Infraestruturas, Cesáreo Mosquera. Porque entre o proxecto de polígono industrial que deseñara o tándem Francisco Veiga + Pilar Blanco coas súas respectivas comparsas, e o que veñen de pintar no mapa os técnicos da empresa Eptisa que realizaron o estudo das Áreas Empresariais, vai moita diferencia de Noso Señor. O que o anterior bipartito elevara a cerca de 400.000 metros cadrados en chan industrial dentro do termo municipal de Marín, este Plan Sectorial da Xunta redúceo a menos de 200.000 e sitúa o perímetro do hipotético polígono máis fóra que dentro de Marín, ata o punto de que máis da metade desa urbanización aféctalle ao monte comunal da parroquia pontevedresa de Lourizán que, por certo, non está nada de acordo con que lle queiran instalar unha plataforma loxística.

Que fará o Concello de Pontevedra ante o proxecto da plataforma loxística Marín-Pontevedra? Alegará a favor, como fará o Goberno local de Marín co apoio do BNG, do PSOE e de Mar-In? Ou alegará en contra, entrando en aberta contradición coa súa homóloga marinense? Corramos un tupido veo, señora Blanco, porque de contradicións saben moito vostede e a agrupación política que representa.

Outro exemplo da bipolaridade nacionalista: o BNG de Mondariz -coa adhesión da súa eurodiputada Ana Miranda- vai presentar unha iniciativa parlamentaria ante a Comisión Europea para solicitar que se inclúan os espazos naturais de Monte Maior e Coto de Eira, entre Mondariz e Fornelos, na Rede Natura 2000. Todo un exemplo de compromiso co país e co medio ambiente, vaquesí? Pola contra, en Marín, Pilar Blanco e Xosé María Vilaboa chegaron a plantexar nun pleno da Corporación durante o anterior mandato, que o Monte Pituco fora DESAFECTADO do rango de protección que lle corresponde de pleno dereito no seu ámbito natural dos Montes do Morrazo. As comparacións son certamente odiosas, entre outras cousas porque temos en San Xulián unha pésima comunidade de (des)montes que dende tempo inmemorial non inviste nin un só céntimo na mellora do Pornedo, máis aló de ter consentido un atentado ecolóxico e patrimonial cun recheo de terra de dubidosa procedencia, que presumiron de ir converter nunha área recreativa, pero que actualmente dá noxo pisar, do destrozada que está.

Tamén parece que a Pilar Blanco lle molesta que a cidadanía e as asociacións teñamos a oportunidade -e o dereito inalienable- de presentar alegacións ao Plan Sectorial de Ordenación de Áreas Empresariais para reclamar xustamente o contrario do que ela e o seu partido queren. Niso consiste a liberdade. Por desgraza, e para vergoña dos habitantes (dunha parte, polo menos) deste Concello, Pilar Blanco foi socia de Goberno dun alcalde que se negou sistematicamente a recibir a este modesto colectivo para expoñerlle simple e educadamente, con datos contrastados, o que a Xunta vén de confirmar:

…que o Pituco NON É UNHA ZONA VIABLE para a instalación dun polígono industrial.


Responses

  1. Moi boa a túa crónica, Montepituco.
    Quero engadir que a opción preferente que tiña o BNG de Marín para facer o seu polígono empresarial era A Brea.
    Cando Pilar Blanco di que “Hai outras zonas que reúnen as condicións necesarias para facer viable un polígono”, refírese á Brea en concreto.

    No faro de Vigo de hoxe hai unha puntualización a este artigo. Dita puntualización tamén foi enviada ó Diario de Pontevedra pero non se sabe se vai ser publicada ou non.
    saúdos

    • Moitas grazas, Pasaba por aquí. Fai moi ben esta veciña da Brea en puntualizar a Pilar Blanco, porque din por aí que quen cala outorga, e non pode ser iso de botar a lingua -ou a tecla- a pastar, para intoxicar a opinión pública. Alguén lles ten que contar aos “polític@s” as verdades do barqueiro. Que saiban que non todo o monte é ourego.

  2. LUZ AL FINAL DEL TÚNEL

    Resulta esclarecedor el artículo que ha publicado la concejala Pilar Blanco en la prensa sobre los polígonos empresariales en Marín. Y resulta esclarecedor por cuanto Pilar Blanco es el ejemplo más claro del despiste al que asiste –y asistieron en épocas pasadas- algunos políticos marinenses, por ignorancia y falta de información, sobre este importante tema, que amenaza con excluir a nuestra comarca del progreso económico y social en las próximas décadas.

    Afirma Pilar Blanco que la zona de Pastoriza es inviable para la instalación de un parque empresarial porque así se lo comunicaron al bipartito que gobernaba Marín en la Xunta en 2010 y porque, cito textualmente, “a pesares de que, dende o BNG, nunca apostamos por Pastoriza, porque sabíamos que era inviable, en aras a levar adiante o PXOM, retiramos as outras áreas, tal e como esixía o PP”. La concejala del Bloque falta a la verdad, o al menos no cuenta toda la verdad, nada más que la verdad y solo la verdad. Hay que recordarle a la concejala Blanco qué sucedió por entonces y qué es lo que sucede ahora con este asunto para que, al menos, los marinenses tengan una versión más correcta y menos sesgada que la que ella nos plantea en su demagógico artículo.

    Sobre la idoneidad o no de Pastoriza como zona para instalar un parque empresarial, cabe señalar que en ningún momento ni el PSOE ni el BNG estuvieron por la labor siquiera de realizar un estudio de viabilidad, ni por propia iniciativa ni por iniciativa ajena. Y eso que desde el Congreso de los Diputados le brindaron la gran oportunidad de hacerlo –hasta los diputados socialistas en el Parlamento votaron a favor-, pero decidieron no ya rechazar esa oportunidad sino–y esto es lo flagrante- ignoraron en todo momento que Sepes (la Sociedad Estatal de Suelo) realizara un estudio sobre Pastoriza como así lo había acordado y aprobado la comisión correspondiente de la cámara. El ex alcalde, Fran Veiga, y sobre todo el BNG estaban por otras ubicaciones. Es más ni siquiera pretendían un gran polígono empresarial. Todo lo que se les había ocurrido eran unos minipolígonos en Monte Pornedo, A Brea, Macenlle, San Xulián y Ardán. La fuerte oposición de la población y su constante y perseverante protesta a lo largo de más de dos años evitó que se aprobaran. Pero con todo, no fue solo la tenaz y admirable protesta de la población – a la que al bipartito que gobernaba le interesaba un pimiento- sino y sobre todo la pérdida del gobierno de la Xunta en las elecciones autonómicas la que impidió que aquel latrocinio se llevara a cabo. Al PSOE y al BNG no les quedó otro remedio que ceder, entre otras cosas porque el PP y Mar-In también se oponían y porque, hay que recordarlo, fue el candidato popular a la presidencia de la Xunta, Núñez Feijoo, el que hizo una clara apuesta por Pastoriza durante una visita en campaña electoral a Marín.

    Ahora nos encontramos en otra situación después de que la Xunta haya planteado el Plan Sectorial de Áreas Empresariales de Galicia. Y miren ustedes, donde la señorita Blanco lo ve todo negro, yo sin embargo veo muchos matices grises que me hacen vislumbrar que hay luz al final del túnel. Dicho de otra manera, sigo manteniendo mis esperanzas de que Marín cuente con un gran polígono empresarial en la zona de Pastoriza y por ello sigo apostando. El encuentro, la pasada semana, entre el conselleiro de Medio Ambiente, Agustín Hernández, y los portavoces de los grupos políticos representados en el Ayuntamiento de Marín, deja entrever una cierta esperanza de que la comarca de Marín tendrá un parque empresarial como nos merecemos. Vuelvo a reiterarme en lo que ya he dicho tantas veces aquí y en otros foros de que Monte Pituco no es ninguna solución aunque en el Plan de la Xunta se recoja una pequeña parte de terreno de esta zona en otro polígono más centrado en Pontevedra y que por cierto cuenta también con baja calificación. Por ahora termino aquí (aunque en posteriores artículos les daré mi opinión respecto al estudio de la Xunta), no sin antes recordarle a la concejala del BNG que en el estudio realizado por los redactores del PXOM hay una referencia a Pastoriza –precisamente la que expresó un biólogo de Vigo- donde afirma que esta zona de la comarca marinense no tiene grandes problemas medioambientales. Resulta cuanto menos curioso que los gobernantes anteriores en el Concello no se fijaran más en lo que dijo ese, se supone, experto, sobre Pastoriza, y siguieran adelante con su matraca. Comprendo que es duro perder no solo unas cuantas batallas –las de los micropolígonos- sino, además, la guerra. Y PSOE y BNG en lo que respecta a este asunto la van a perder. Estoy convencido de que, al final, Pastoriza va a ser la ubicación de ese parque empresarial que tanto necesitamos, para nuestra generación y para las futuras generaciones de marinenses.

  3. […] advertindo que Marín queda “sen polígono industrial”. Neste mesmo blog, no artigo titulado “BNG, aínda máis que dicir”, xa valorou convintemente a sarta de manipulacións verquidas pola señora Blanco, nunha […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: