Publicado por: MontePituco | 28/09/2011

…TRES DÍAS DESPOIS

Pasaron TRES días dende que foi localizado o verquido ilegal de residuos procedentes da posible limpeza dunha caldeira, e de que lle fora notificada a súa existencia á directiva da Comunidade de Montes de San Xulián na persoa do seu vicepresidente, á Policía Local de Marín, e -menos de 24 horas despois- ao Concello de Marín. E o lixo segue nas mesmas: nin foron retirados os restos do palé de madeira, nin a ferralla, nin o contenedor de plástico, nin moito menos toda esa carbonilla graxenta e noxenta que está causando un problema medioambiental e un risco para a salubridade das augas.

Esta noite pasada choveu unha migalla. Están agardando a que arroie para que toda esa porquería corra polo monte abaixo?

Estamos ante unha neglixencia, unha tomadura de pelo por parte dos (ir)responsables de arranxar esta desfeita, a falta de poder castigar o autor ou autores da vertedura, ou ámbalas cousas de vez?

Cantas sancións está disposta a pagar a Comunidade de Montes de San Xulián por consentir tozudamente que O Pornedo siga sendo o basureiro extraoficial da parroquia?

Por que razón o Goberno local non dispón os medios necesarios -sexa directamente ou en colaboración cos representantes dos comuneiros- coa maior inmediatez para evitar que ese material tan contaminante siga exposto á intemperie?

Acaso entre a Comunidade de Montes e o Concello están actuando coordinadamente de costas á veciñanza para facer a vista gorda ante as agresións que sofre o Monte Pornedo, coa escura pretensión de favorecer o seu deterioro progresivo e con iso, tal vez sumar argumentos para que se acabe instalando nel o polígono industrial que se proxecta na zona?

Non se decatan a Comunidade de Montes e o Concello que coa súa inacción son cómplices a partes iguais do delicto cometido desde o mesmo momento no que eses residuos foron depositados no monte?

A “marxe de confianza” rematou e DEFENDE O MONTE PITUCO resérvase o dereito a adoptar todas as medidas necesarias ante as autoridades para que este vergoñento verquido non pase NIN UN DÍA MÁIS nesta situación.

…O azar é ben caprichoso. Subindo ao monte para comprobar, efectivamente, como xa sospeitabamos, que ninguén movera nin un só dedo para poñerlle remedio a esta lamentable incidencia, atopamos, a poucos metros do bidón, nunha zona que fora desbrozada, un CD dado a volta. Collémolo do chan, virámolo para saber cal era o seu contido e, escrito en letras maiúsculas, lemos tres palabras: “A MALA EDUCACIÓN”.

Se unha imaxe vale máis que mil palabras, esta non podía ser máis atinada.


Responses

  1. […] TRES DÍAS DESPOIS, 28 de setembro de 2011. […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: