DEFENDE O MONTE PITUCO (Pornedo)

“…No caso de Marín recollemos o descontento de dantos ante ese mal chamado “bautismo civil” introducido polo alcalde marinense con pouc fortuna, a mesma pouca que a non realización do Plan Xeral de Ordenación Urbana de Marín (e xa van máis de 30 anos de espera polo dito plan); o mesmo podemos dicir das beirarrúas de San Xulián, despois de tantos anos aínda temos que esperar non sabemos canto para velas feitas; e para terminar unha de ecoloxía, pois aproveitamos unha vez máis para MANIFESTAR A DISCONFORMIDADE COS PLANS OFICIAIS PARA CONVERTER PARTE DO MONTE COMUNAL EN ZONA INDUSTRIAL, O CAL É UNHA CLARA AGRESIÓN Á NATUREZA NO SENTIDO MÁIS RETRÓGRADO DA CONCEPCIÓN DO QUE DEBE SER O PROGRESO DUN POBO”.

A folla parroquial de San Xulián correspondente a este mes de maio volve ser dura e contundente contra a pretensión do Goberno local vixente de instalar un polígono industrial no Monte Pornedo. Xa en marzo do pasado ano, a folla parroquial se pronunciaba claramente a prol da conservación deste espazo e criticaba a intención do PSOE e do BNG de destruilo baixo o formigón e os taludes. Recolliamos as impresións do párroco Jorge Gómez Gude nun artigo titulado

TAMÉN EN SEMANA SANTA

…Agora, en plena campaña electoral, a folla parroquial non pasa por alto esta valoración e sostén que o futuro de Marín non pode pasar por arrasar o monte veciñal sen xeito nin dereito. Ogallá a veciñanza compartira este pensamento, xa non só por unha mera cuestión de sensibilidade medioambiental, senón por unha evidente razón de sentido común.