Publicado por: MontePituco | 05/05/2011

CONTRA O SAQUEO AMBIENTAL DE GALICIA

POR UNHA UTILIZACIÓN RACIONAL DOS RECURSOS NATURAIS. POLA PROTECCIÓN DO PATRIMONIO NATURAL E HISTÓRICO. Por unhas rías limpas. Por uns ríos vivos. Pola defensa da nosa soberanía alimentaria. Por un litoral público e natural. POR UN URBANISMO INTEGRADO NA NATUREZA E NA NOSA CULTURA. Pola vivenda como dereito e non como negocio. POR UNS MONTES BEN XESTIONADOS. Pola participación da cidadanía na xestión do noso. Por unha xustiza anovada que depure a corrupció. Por unhas alternativas enerxéticas públicas e conscientes. Por unha xestión responsable dos residuos. Por un modelo económico e social máis xusto e solidario. POLO FORTALECEMENTO DO RURAL e a economía social de Galicia.

Comunicado do Colectivo Nacionalista de Marín facendo un chamamento á participación na manifestación deste domingo en Santiago:

A rede de colectivos Galiza Non Se Vende, da cal o Colectivo Nacionalista fai parte, convoca unha manifestación para este domingo 8 de maio con saída ás 12 da Alameda de Compostela baixo o lema “Contra o saqueo socioambiental da nosa terra”.

Galiza, está a sofrer un saqueo social e ambiental a todos os niveis, mantido por un modelo económico e social inviabel, que destrúe os ecosistemas, acaba coa biodiversidade e produce miseria e condicións sociolaborais de esclavitude, para as persoas. Redáctanse normativas e planos como as directrices de ordenación do territorio, plano de ordenación do litoral, plano eólico, lei de augas…para saciar o cobiza de grandes empresas privadas sen ter en conta a destrución do medio ambiente.

Depredan os nosos montes, pretendendo privatizalos coa nova lei de montes e destruíndoos coa construción de polígonos industriais como o proxectado en Marín no monte Pornedo, ou co novo proxecto de parque eólico en Pedras Negras afectando aos concellos de Marín, Moaña e Vilaboa.

Os cidadáns e cidadás temos a obriga de deixar para futuras xeracións un medio no que poidan vivir con dignidade e do que poidan disfrutar sanamente por iso os colectivos que formamos a rede Galiza non se vende continuamos a diario a loitar, resistir, traballar, arelar, formular, construír, informar, concienciar a favor da nosa terra e na procura de dignidade e equidade.

Dende o Colectivo Nacionalista de Marín facemos un chamamento aos veciños e veciñas de Marín e arredores a participar na manifestación e amosar o noso rexeitamento a todos os proxectos que ameazan o futuro do noso medio.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: