Publicado por: MontePituco | 22/04/2011

23 DE ABRIL: DÍA DO LIBRO

23 DE ABRIL: DÍA DO LIBRO

…Viaxamos cos libros dende os andeis da biblioteca ata o monte, a carón da pedra, da árbore, da auga, da carqueixa…

“PEQUEÑA HISTORIA DE MARÍN”, de José Torres Martínez (Marín, 1906-1983). Colección Tambo, 1983.

“CONVERSAS CON FRANCISCO CARBALLO”, de Santiago Prol e Xan Carballa. A Nosa Terra, 2002. Os autores compartiron máis de 30 horas de conversa co protagonista da obra na biblioteca do Colexio San Narciso, en Marín.

“LATEXOS DUN AROUSÁN, III. FERVENZAS E DEVALOS”, de EV.Calo. Edición do autor, 1999. EV. Calo é o seudónimo do profesor Eduardo Víctor Castro López, que exerceu a súa actividade no colexio Sequelo.

“COS DADOS DO SOÑO”, de Luis Almazán (Pontevedra, 1918-Marín, 1995). Edita, Deputación de Pontevedra, 1988.

“…Cando os meus pensamentos sexan teus

e a túa luz se me aquede nas pestanas

xa pechadas;

cando a túa terra se me adentre fría

buscando a escura cinza do meu nome,

aínda hei levar na miña gorxa muda

o feitizo orquestal das túas mareas,

ese embruxo afinado das túas ondas.

Ouh, Marín, meu Marín! Se así me acalas

ten lembranza de min na túa palabra.”

…Literatura inspirada na natureza.

“MANANCIAL”, de Xavier Manteiga. Premio Xerais 1997.

“Noite clara; lúa chea. Noite limpa sobre un río de cristal. Noite meiga. Sentado sobre unha rocha, cando todos durmían xa, Tomás contemplaba o ceo mentres fumaba un cigarro. Os fundidos estelares reflectíanse sobre o manancial quebrándose en mil anacos de pura e doce luz. Ante tamaña inmensidade un home sentíase máis só ca nunca nunha noite coma aquela: ante tamaña inmensidade, un home sentíase máis protexido ca nunca”.

Ollando ao mar…

“GALEGO Á BEIRA DO MAR”, texto de Juan Farias e ilustracións de Xosé Cobas. Kalandraka, 2008.

“PIRATAS E NAVEGANTES”, de Pepe Carreiro. A Nosa Terra, 1995.

“MULLER CEIBA”, de Sandra Cisneros (Chicago, 1954). Tradución de Marilar Aleixandre. Edicións Xerais, 1997.

“…E cando eras unha nube, escoitabas as árbores e as cousas arbóreas que as árbores che dicían. Eras o vento nas rodas dunha bicicleta vermella. Eras a María de arame tatuada no glabro brazo dun rapaz no centro de Houston. Eras a chuvia esvarando das céreas follas dun magnolio…”.

“MONTE DO SEIXO. O SANTUARIO PERDIDO DOS CELTAS”, de Calros Solla. Edición, Serpe Bichoca, 2008.

“Un monte é coma un ser vivo, nace, crece e, por moi duro e resistente que poida parecer, tamén pode morrer. Os ventos danlle alento, os animais intercambian con el os alimentos, as augas de fontes, lagoas, ríos e regatos abastecen o seu corpo de lentura. Todo nun monte podería ser perfecto: as abas poboadas de arboreda, as camposas de herb vizosa, penedos como adobíos; polo día, o sol debuxando sombras coma camiños nos seus pregues; polas noites, o escuro reverquer de medos e pantasmas. Só hai unha cousa que non poder facer un monte: deixar de selo. Por moito que o martiricen, un monte endexamais pode fuxir do seu sino”.

“O VERBO DOS ARGINAS DE AVEDRA. XERGA GREMIAL DOS CANTEIROS DE PONTEVEDRA”, de Feliciano Trigo Díaz. Edita Deputación de Pontevedra, 1993.

“SOSTENIBILIDAD, VALORES Y CULTURA AMBIENTAL”, coordinado por Ricardo García Mira e Pedro Vega Marcote. Ediciones Pirámide, 2009.

 “ANDANDO A TERRA (1977-1987)”, de Manuel Hortas. Edición de Miguel A. Mato Fondo e Pilar García Negro. A Nosa Terra.

Rodeados de xestas floridas, tres obras de xéneros, tempos e autores dispares.

“GUÍA DAS PLANTAS DE GALICIA”, de Xosé Ramón García Martínez (Pontevedra, 1950). Edicións Xerais, 2008.

“MEMORIAS DUN NENO LABREGO”, de Xosé Neira Vilas (Vila de Cruces, 1928). Edicións do Castro, 1991.

“…Hai quen di que todo o que nos acontece está sinalado de antemán. Que andamos por camiños mallados. Cada coal vai polo seu, queira que non, coma se o levase un anxo ou unha meiga. Eu non creo tal cousa…”.

“POESÍA GALEGA”, de Eduardo Lence-Santar (Mondoñedo, 1876-1960). Edición de Xe Freyre e Armando Requeixo. Colección Libros da Frouma, edita Difux, 1999. Edición non venal.

…Que fermoso nome, e que ben soa: Libros da frouma…

“A ría de Pontevedra,

Qué cousiña máis galana…!

¡Nin que a fixera Dios mesmo

Para que fose admirada!”

(Publicado en La Voz de Mondoñedo, 28-9-1922)

Os libros volven á materia prima da que están feitos: as árbores.

“EL ÁRBOL DE LA CIENCIA”, Pío Baroja. Edición de Pío Caro Baroja. Ediciones Cátedra, 1993.

“PLATERO Y YO”, Juan Ramón Jiménez. Edición de Michael P. Predmore. Ediciones Cátedra, 1990.

“RÉQUIEM POR UN CAMPESINO ESPAÑOL”, Ramón J. Sender. Ediciones Destino, 1985.

“LA SENDA DEL DRAGO”, José Luis Sampedro. Círculo de Lectores, 2006. O papel utilizado na impresión deste libro foi fabricado a partir de madeira procedente de bosques e plantacións xestionadas con estándares ambientais, garantindo unha explotación dos recursos sostible co medio ambiente e beneficiosa para as persoas. Por ese motivo Greenpeace acreditou que este libro cumpre cos requisitos ambientais e sociais necesarios para ser considerado un libro “amigo dos bosques”. O proxecto “Libros amigos dos bosques” promove a conservación e uso sostible dos bosques, en especial dos bosques primarios, os últimos bosques virxes do planeta.

A carón dos gravados rupestres de Pornedo, dous libros que nos achegan á orixe dos nosos tempos.

“CAMINOS DE ARTE RUPESTRE PREHISTÓRICO. GUÍA PARA CONOCER Y VISITAR EL ARTE RUPESTRE DEL SUDOESTE DE EUROPA”, coordinado por Ramón Montes Barquín e Cristina Lafuente Martínez. Editado en 2008 polo Ministerio de Cultura, sendo o seu titular César Antonio Molina. Cita entre as páxinas 168 e 183 o Parque Arqueolóxico de Campo Lameiro, a Área Arqueolóxica de A Caeira en Poio, a Área Arqueolóxica de Tourón en Ponte Caldelas e os Petroglifos de Mogor en Marín.

“PETROGLIOS E OUTRAS PREHISTORIAS” é unha obra de dous mozos marinenses, Xulio D. Abal Silva e Álvaro R. Arizaga Castro, editado en 2007 polo Concello de Marín.

“O magnífico conxunto de Mogor, aínda sendo o máis importante do noso municipio, é tamén bastante significativo nese senso. Sen dúbida, este conxunto sería aínda máis importante de non ser destruídas en datas sucesivas varias pedras gravadas. Ese caso debería facernos reflexionar sobre feitos presentes: foi certa a recente destrucción de gravados na zona do Pinal de Caeiro? Podemos asumir como lóxicas as destruccións de xacementos case únicos en Galicia, como era a pedrafita de Currás? O peor non é o lento goteo na destrucción do patrimonio, porque o tempo, inevitablemente, tende a borrar os restos do pasado. O peor é a confusa sensación de IGNORANCIA, de SILENCIAMENTO e de IMPUNIDADE”.

“INDIGNÁDEVOS!”, de Stéphane Hessel. Tradución de Fernando Moreiras. Faktoría K, 2011. 

O pensamento produtivista, impulsado por Occidente, levou o mundo a unha crise da cal hai que saír mediante unha ruptura radical coa fuxida cara adiante do “cada vez máis”, no eido financeiro e tamén no eido da ciencia e a tecnoloxía. Xa vai sendo hora de que prevaleza a preocupación pola ética, a xustiza e o equilibrio, pois ameázannos riscos sumamente graves que poden pór fin á aventura humana nun planeta que esta pode deixar inhabitábel para o home”.


Responses

  1. Parabéns pola iniciativa.

    • Feliz día do libro. Feliz día da cultura. Grazas por estares aí, pendente de nós. Unha aperta.

  2. Moi boa selección Pituco. Hessel, Sampedro, Neira Vilas, o libro do Seixo de Calros Solla. Moi boa iniciativa.

    • Moitas grazas, Xaime. Neste monte somos bos amigos dos libros, da literatura e da cultura. Se che apetece facer algunha suxerencia ou se botas de menos algún título, adiante, a túa achega será benvida. Grazas por visitar o blog e polo teu comentario.

  3. […] de 2012: 23 DE ABRIL, DÍA DO LIBRO Like this:LikeBe the first to like this […]

  4. Xan ten un novo compañeiro unha boa persona.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: