Publicado por: MontePituco | 20/04/2011

O BLOG ‘DEFENDE O MORRAZO’

(Artigo de Miguel A. Rodríguez en La Voz de Galicia: “El sector eólico pacta con la Xunta un plan para agilizar los nuevos parques”).

Di este artigo que o sector eólico vai pactar un plan coa Xunta para axilizar os 91 novos parques que se van instalar en territorio galego ata o ano 2012. Que para a colocación deses 761 novos muíños se vai pór en marcha unha mesa de tramitación, da que tamén será partícipe a consellería de Medio Ambiente, Territorio e Infraestruturas. Interesante mestura de intereses e competencias: Economía e Industria por un lado, Medio Ambiente, Territorio e Infraestruturas por outro, e os empresarios para completar o trío que permitirá resolver os atrancos legais que poidan entorpecer o avance deses proxectos.

Que clase de atrancos? Administrativos, económicos, patrimoniais, ambientais? Non importa do tipo que sexan. A Xunta parece estar interesada no mesmo que as 38 empresas beneficiarias do Plan Eólico: cobrar. Porque o que contan son os 46 millóns de euros recadados polo Goberno galego, os 648 millóns de euros que se investirían los municipios que acollan os aeroxeneradores, os 270 millóns de euros que supostamente percibirían os propietarios -comuneiros, en boa parte- dos terreos. Apetitoso caramelo, sen dúbida, co que tentar os habitantes do rural, e nos tempos que corren. E así non hai argumento ambiental, cultural ou paisaxístico que valla. Cando os cartos entran pola porta, a natureza sae pola fiestra.

O novo presidente da Federación Ecoloxista Galega, Anxo F. Saborido, vén de comentar nunha entrevista publicada en Galicia Confidencial: “…Cada un dos cidadadáns e cidadás debería esixirlle á súa Administración e aos seus políticos que tomase medidas para frear a crise ambiental. Cando a crise económica se agudiza, a repercusión ambiental é aínda máis grave, pero non debe esquecerse. Vivimos do e no medio, nun medio finito”.

Esa conciencia social está representada nos colectivos que veñen de integrarse na Plataforma en Defensa dos Montes do Morrazo que, entre os seus obxectivos, rexeita a instalación un parque eólico en Pedras Negras. Como tamén se opón á construcción de novos polígonos industriais na bisbarra. A Plataforma en Defensa dos Montes do Morrazo xa conta con perfil en Facebook –Plataforma Montes do Morrazo– e blog propio: http://defendeomorrazo.wordpress.com/

A próxima xuntanza do colectivo celebrarase o xoves 28 de abril na Casa da Cultura de Seixo.


Responses

  1. […] O BLOG ‘DEFENDE O MORRAZO’ […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: