Publicado por: MontePituco | 07/03/2011

TONHITO DE POI, DEFENSOR DOS MONTES

ADICADO @S TÚZAR@S QUE DIN QUE AS PEDRAS NON DAN DE COMER

O suplemento Fugas de La Voz de Galicia publicou este sábado 4 de marzo unha reportaxe con Tonhito de Poi nun dos lugares preferidos deste músico, actor e guionista: os montes da Garita e da Sacristía, entre os lugares de Martín e Castiñeiras, en Ribeira, de onde el é. Polo seu compromiso coa terra que o viu nacer e crecer, polo seu apego á paisaxe que conformou o seu particular paraíso, e polo seu berro forte e ceibe contra a destrucción desa riqueza, ameazada tamén pola acción depredadora da especulación, do formigón e da incultura, velaquí quedan as súas palabras. Que nos inspiran, que nos alentan e que nos conmoven. Ogallá sirvan para sensibilizar a quen as lea na necesidade de velar polo que verdadeiramente paga a pena: a nosa identidade.

“Non somos conscientes de que hai montes que nos criaron e pedras que nos fixeron. Somos natureza, e o que lle fan a ela tamén nolo fan a nós”.

“Ese monte viume nacer, ensinoume, coidoume. A súa morte foi a miña. Cando o urbanizaron, sufrín tanto coma cando morreron meus avós, que foron meus pais en toda regra, xa que son fillo de emigrante”.

“Non cría, pero si. Fun mirar os planos ao Concello de Ribeira e é certo: este monte, entre Martín e Castiñeiras, con mananciais, pedras totémicas e carballos, é un solar de próxima construcción. Se esta beleza non está xa destruida é pola crise, pero o patrimonio natural é irrecuperable. Non busco conflicto, senón o que nos une, para que o que nos divide desapareza”.

“Un home sen raíz non medra. De pequeno eu pensaba que noitra vida fora carballo. Agora estou seguro, porque houbo momentos nos que me sentín leña para encofrar. Unha noite neste monte espértalle a calquera un profundo amor por cada fieito”.

(Artigo completo, de Patricia Blanco, nesta ligazón: “Aquí hai pedras que nos fixeron a nós“).


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: