Publicado por: MontePituco | 03/03/2011

CHARLA SOBRE O POSIBLE PARQUE EÓLICO NO MORRAZO

 

Hai un mes o Colectivo Nacionalista de Marín e a organización ecoloxista Luita Verde alertaban da intención da Xunta de autorizar a instalación dun parque eólico nos montes do Morrazo, no lugar de Pedras Negras:

POLA PROTECCIÓN DOS MONTES DO MORRAZO

Para afondar no coñecemento deste proxecto que, con razón, o Colectivo Nacionalista califica de “atentado ecolóxico”, o luns 14 de marzo, a partir das 20:00 horas na Biblioteca Pública de Marín, vaise celebrar unha charla informativa na que representantes de Luita Verde e doutra asociación ambiental, Verdegaia, van explicar como son estas instalacións e cales son as súas repercusións negativas sobre o contorno. Tamén vai asistir unha representación dos afectados polo parque eólico que se proxecta na Serra do Galiñeiro.

Dous milleiros de persoas reuníronse o pasado 20 de febreiro en Gondomar para camiñar en contra da vontade da Administración autonómica de estragar un espazo como a Serra do Galiñeiro, tan senlleiro dende o punto de vista paisaxístico, arqueolóxico e social. Os participantes reclaman que a zona se declare espazo protexido e se integre no Parque Natural do Monte Aloia.

Adega, A Ría Non Se Vende, a Asociación de Veciños de Vincios, a Asociación “A Groba”, a Asociación de Veciños Casco Vello de Vigo, a Comunidade de Montes de Vincios, Salvemos Monteferro, a Federación Galega de Montañismo, o Clube de Espeleoloxía “Maúxo”, Montañeiros Celtas, a Plataforma pola Defensa da Ría de Vigo “Cíes”, S.O.S. Groba, Verdegaia, e o Instituto de Estudos Miñoranos, apoian o manifesto a prol da conservación da Serra do Galiñeiro, que se pode ler no blogue de SOS Groba.

Ademais do enfoque divulgativo, a charla que organizan o Colectivo Nacionalista de Marín, Adiante, FPG e Redes Escarlata, tamén pretende aglutinar o maior número de colectivos, asociacións e persoas a título individual que se queiran sumar ás posibles accións de defensa dos Montes do Morrazo contra esta nova agresión que se aveciña no horizonte inmediato.

(Os videos e as narracións son de Xurxo Salgado, de Galicia Confidencial).


Responses

  1. […] CHARLA SOBRE O POSIBLE PARQUE EÓLICO NO MORRAZO […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: