Publicado por: MontePituco | 02/03/2011

O ASTALEIRO DE PURRO, SALVADO

Aínda non felicitaramos publicamente ao colectivo de Bueu “Salvemos o astaleiro”, formado por entidades como a asociación de amigos das embarcacións tradicionais Os Galos, Anduxía, Manxadoira, a asociación Mozos e Mozas de Beluso (parabéns polo seu aniversario) e unha decena de entidades máis, por conquerir o obxectivo que levaban perseguindo durante tantos anos: que a Dirección Xeral de Patrimonio Cultural incluira o astaleiro de Purro, situado na Banda do Río, no Inventario Xeral do Patrimonio Cultural de Galicia. Trátase dunha construccion “única na ría de Pontevedra e unha das escasas carpinterías de ribeira conservadas case en estado orixinal, non só en Galicia, senón en Europa”, como explicou o presidente de Os Galos, Víctor Domínguez.

…Pasarán meses, un ano, varios tal vez, e Defende o Monte Pituco (Pornedo) seguirá porfiando na protección deste espazo, da súa importancia paisaxística e natural, do seu valor histórico e cultural, da súa riqueza forestal e doutros potenciais que acumula. O estado do astaleiro de Purro é equiparable ao abandono que tamén sofre o Monte Pituco; a teima dalgúns veciños da Banda do Río que só miraban polos seus intereses particulares cando pedían o derrubamento desta construcción é equiparable tamén ao empeño dos comuneiros partidarios da instalación dun polígono industrial nesta zona para lucrarse a conta dos terreos. Hai certos paralelismos nos amargos avatares do astaleiro de Purro e do Monte Pituco: os dous a carón da ría, un mesmo ao seu pé, e outro elevado coma se do seu balcón se tratara. Felizmente, a loita a prol do astaleiro chegou con éxito ao final da súa singradura, mentres que a loita pola conservación do monte non fixo máis que comezar.

Pola súa importancia patrimonial e social, o astaleiro de Purro converterase nunha prolongación do Museo Massó e enriquecerá a oferta turística de Bueu. Mentres procura a súa supervivencia, o monte Pituco soña con chegar a formar parte dun gran espazo natural e arqueolóxico no ámbito dos concellos de Marín, Vilaboa e Pontevedra. Se os promotores da salvación do astaleiro de Purro o conseguiron, por que non o imos poder conseguir tamén os veciños e veciñas que rexeitamos a instalación dun polígono industrial no Monte Pituco? Se Purro librou de caer baixo a piqueta, zafará o Pituco do asulagamento do formigón?

Estivemos en Bueu apoiando esta causa xusta que por fin ve a luz ao final do túnel, e que nos vale de inspiración para seguir traballando, actuando socialmente e sensibilizando a cidadanía de Marín e do seu contorno sobre a necesidade de recuperar este valioso e prometedor espazo.


Responses

  1. […] caso de Purro e o esforzo de Os Galos é o exemplo de que se pode mudar o destino dun patrimonio que estaba […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: