Publicado por: MontePituco | 25/02/2011

A LEI DE AUGAS (ENÉSIMA) (BIS)

O Colectivo Nacionalista de Marín vén de comentar polo miudo a súa lectura da nova Lei de Augas de Galicia, nun artigo no que advirte que a súa aplicación “abre a vía á privatización da auga”. Como xa se comentou antano neste mesmo blogue, coincidimos en considerar que se trata dun novo imposto, nun mal momento e cun propósito relativo. Mais, quen lles teclea estas liñas, que leva toda a vida bebendo da auga que nace nos arredores do Monte Pituco, prefire pagar o canon -sinal de que o manancial segue vivo- antes que o BNG e o PSOE provoquen a súa desaparición irreversible co seu desquiciado proxecto de instalación dun polígono industrial nesa zona. A continuación, a nota informativa do Colectivo Nacionalista de Marín, do que destacamos o primeiro parágrafo.

Consideramos que o debate sobre a recentemente aprobada Lei de Augas de Galiza estase levando pola vía do ENFRONTAMENTO PREELECTORAL entre os partidos políticos. É necesaria unha ANÁLISE QUE SE DESMARQUE DESTA PELEXA que non fai máis que CONFUNDIR Á OPINIÓN PÚBLICA sobre as verdadeiras repercusións da lei e sobre as responsabilidades presentes e futuras dos partidos e as distintas Administracións que a van aplicar. O PP e o BNG están EXPLICANDO A LEI DE XEITO OPORTUNISTA coa única finalidade de PESCAR VOTOS EN AUGAS TURBULENTAS, e creando FALSAS EXPECTATIVAS.

A aprobación da Lei de Augas supón unha nova aplicación do dogma neoliberal e abre o camiño á privatización de todas as augas de Galiza. Fixa un prezo mediante un canon a toda a auga que se consuma, a maiores do que pagamos hoxe en día polo subministro das traídas dos concellos. A Lei entrégalle a Augas de Galicia, un organismo que pasa a transformarse nunha sociedade anónima, a xestión do subministro, obras hidráulicas e planificación de todo o que teña que ver coa auga en Galiza, así como a xestión en materia tributaria. A Auga deixa de ser un ben universal xestionado polo goberno galego para ser xestionado de xeito empresarial a un prezo marcado polas leis do libre mercado.

Con esta lei, a Xunta renuncia a unha competencia traspasada polo goberno central para lla dar a unha empresa, retirándolle ademais, ao Parlamento, o control efectivo de Augas de Galicia, sendo o Consello de Contas o que pase a controlar o organismo até agora público. O goberno do PP vai un paso máis alá na directiva comunitaria e abre a porta á futura privatización de Augas de Galicia. Como aconteceu con outras empresas públicas como Telefónica ou como está pasando con Correos (proceso iniciado polo sr. Feijoo cando estaba por alí), pódese transformar nunha empresa mixta ou totalmente privada. Deste xeito unha competencia autonómica e un servizo público, as obras de infraestruturas, o cobro do canon, etc., pasaría a estar xestionado por unha empresa privada.

Esta lei afecta non só o rural, aféctanos a tod@s @s consumidores/as. A lei define como usuarios a todas as persoas físicas, xurídicas ou entidades que consuman auga. Iso é o que di o texto da lei, se despois, e por estar ás portas dunhas eleccións, o conselleiro di que a algúns non se lles vai cobrar, haberá que velo, tendo en conta que vai ser a empresa Augas de Galicia a encargada de facelo.

O canon que se nos vai cobrar é un imposto a maiores de outras taxas ou impostos que xa se están cobrando, engadirase a maiores no recibo que xa se cobra polos concellos, e no caso de captacións particulares será Augas de Galicia a que emita o recibo. Polo tanto, o importe do canon hai que sumalo ao recibo que xa estamos pagando. A bonificación do 50% para as familias numerosas non vai supoñer que deixen de pagar unha cantidade considerábel, xa que estas familias son as que máis consumen e o importe calcúlase por número de persoas que viven na vivenda.

Tamén se nos está vender por parte da Xunta a exención do canon para os usos agrícolas, cando na propia lei a este respecto di que os usos agrícolas, forestais e gandeiros non estarán suxeitos ao pago do canon sempre que non exista contaminación por fertilizantes, pesticidas ou materia orgánica. Xa que logo, podemos tirar como conclusión que serán moi poucos os que van estar exentos se non teñen un sistema de depuración propia, que é o habitual no rural.

Como afectará o canon ás vivendas

-Todas as vivendas terán que pagar o canon da auga, sexa traída municipal, da comunidade de veciños/as ou particular; proceda da choiva, de pozo, de manancial.

-No caso de traídas municipais ou de empresa subministradora, pagarase a maiores o prezo do subministro e o da depuración, é dicir, que ao recibo mensual que pagamos hai que sumarlle o canon.

-As familias numerosas terán un desconto do 50%

O canon que se cobrará pola auga componse dunha parte fixa e unha variábel

-A parte fixa ten un importe de 1,50€ por persoa residente na vivenda.

-A parte variábel calcúlase en función de tramos de consumo.

Tramos de consumo

De 0 a 2 m³: 0,00 €/m3

De 2 a 4 m³: 0,28 €/m3

De 4 a 8 m³: 0,36 €/m3

Máis de 8 m³: 0,41 €/m3

A Lei de Augas estima que o número mínimo de habitantes nunha vivenda é de 3 persoas, salvo proba en contrario (Art. 52. 4). O consumo medio por persoa en Galiza é de 4,29 m³/mes (datos do Instituto Nacional de Estatística).

Estimación do importe mensual do canon

-Vivenda 1 persoa

Parte fixa 1,50 € mes

Variábel 0,36 x 4,29 =1,54 € mes

Total a pagar: 3,04 € mes

-Vivenda de 3 persoas

Parte fixa 1,50€ x 3 persoas= 4,50€

Variábel 12,87 m³ consumo x 0,41= 5,28€

Total a pagar 9,78€ mes

Estes importes sumaranse ao recibo mensual que pagamos pola auga!

O coeficiente de vertedura

-Será de aplicación aos mesmos suxeitos pasivos do canon de augas, que vertan a un sistema de depuración. O coeficiente de vertedura será a maiores do canon da auga e farase nos mesmos termos que este. As fosas sépticas verteranse en depuradoras e pagarase o coeficiente de vertedura.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: