Publicado por: MontePituco | 15/02/2011

PETROGLIFOS DE MOGOR: DENUNCIA DE ABANDONO

Entre os amigos de Monte Pituco en FaceBook está Xesús. Esta semana sorprendeunos cun álbum de fotografías cun título inquedante e preocupante: “Obras e desfeita en Mogor”. Nel había preto dunha vintena de imaxes, das que neste artigo se amosa unha escolma, e os seguintes comentarios:

“Un dos motivos rupestres mais interesantes a nivel mundial, o labirinto de Mogor, segue abandonado. Como de costume, utilizan un elemento significativo do patrimonio para pór en marcha o derroche de fondos públicos, con proveito para a empresa construtora e escaso beneficio para o patrimonio e os cidadáns.

A pesares de ter iniciadas as obras dun superbúnquer de formigón e as catas que están facendo no contorno da pedra do labirinto, o conxunto e o entorno manteñen unha deplorable situación de abandono e falta de limpeza. Ningunha precaución de vallado da zona de prospección, nin de recollida do lixo no entorno. Nas pedras cos gravados e na plataforma de madeira, lixo amoreado, e pegadas de percusión con pedras sobre algúns dos gravados do conxunto con plataforma de madeira… Moita miseria”.

Velaquí quedan as críticas, ás que DEFENDE O MONTE PITUCO se suma. E sumámonos porque o Concello de Marín parece perder o cu ultimamente por demostrar o seu “compromiso” coa posta en valor do patrimonio rupestre: sacando rédito político dos máis de 200.000 euros que vai investir a Dirección Xeral de Patrimonio da Xunta na instalación dun centro de recepción de visitantes; sacando rédito político tamén dos fondos europeos correspondentes ao Plan Arela que se van destinar á recuperación do castro da Subidá…

…Mais pasando olimpicamente dos valiosos petroglifos que temos abandonados no rural: en San Tomé, no Campo, e nunha cantidade respectable en San Xulián (Castelo de Barbudo, Mámoa de Pedralonga, Petroglifos de Pornedo, Pinal de Caeiro, A Carrasca, Champás, Sete Camiños, Moreira, Laxe, os petroglifos de Cadro, perigosamente incluidos no recinto do parque multiaventura, o Muiño navicular de Pelagartos, ou a Pedra fincada de Currás, que son os que figuran no catálogo do libro “Petroglifos e outras historias”, dos marinenses Xulio Abal e Álvaro Arizaga).

…Mais desprezando o proxecto de creación do Espazo Natural e Arqueolóxico dos Sete Camiños que DEFENDE O MONTE PITUCO (PORNEDO) lle quere presentar ao Concello de Marín xunto coa comisión promotora desta iniciativa que apoian unha vintena de colectivos sociais das bisbarras de Pontevedra e do Morrazo. Aínda que nos consta que o grupo municipal do BNG non perde ripio do traballo e vai tomando nota dos seus contidos. Por se acaso algún día lle dá por apropiarse e presentar como propio un proxecto que está medrando co esforzo desinteresado de moitas persoas, aínda que o Concello porfíe en ignoralas sistematicamente.

Corren malos tempos para o patrimonio histórico-cultural desta terra: a Xunta que se desentende de financiar a recuperación do Castro de Baroña en O Son e que desatende os petroglifos de Pé da Mula, en Mondariz, nunhas condicións lamentables dentro dunha explotación gandeira (ver imaxes no blog de Ángel de Prado); o Ministerio de Fomento que propón como vertedoiro para as obras da A-59 unha zona na que se atopa o conxunto arqueolóxico de Amoedo en Pazos de Borbén; ou a destrucción dun castro da Idade do Ferro coas obras do porto exterior da Coruña (ler o artigo de Manuel Gago no blog Capítulo Cero)…

…Como ben apuntaba Xesús: Moita miseria!

 


Responses

  1. Eu estiven vendo os petroglifos o domingo, e dende logo, da pena como esta iso, veu conmigo unha persoa de fora de Galicia que lle habian falado de eles e que queria velos e pideume levalo… Ó digo de corazón, deume vergoña axea.

    • Benvida ao blog, Gelis. Moitas grazas pola visita e pola túa participación con estas palabras tan sinceras. Unha aperta.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: