Publicado por: MontePituco | 15/12/2010

A MAZÁ ENVELENADA

No Museo do Humor de Fene atópase unha ilustración moi chamativa e elocuente de Xaquín Marín, un artista gráfico que tantas estampas da natureza agredida nos ten obsequiado, co seu talento creativo. Nesta ocasión, unha imaxe entre bíblica e profética.

“Os pais da humanidade, Adán e Eva, están tan engulidos pola industrialización e o lixo, que Eva xa prefire pecar cun zumo de mazá en tetrabrik, supoñemos que biodegradábel”, di Alfredo.

“Con esa paisaxe, abofé que a Eva custaríalle que Adán pecase”, engade José Manuel.

“Pobriños!”, apunta Xoán.

“Xa nin a serpe esta….morreria de asco!”, retruca Avelino.

“O Adan e Eva de entón perderon o paraíso por culpa dunha mazá. Hoxe están no inferno do mundo globalizado e a mazá está chea de aditivos e de conservantes, e xa non poden perder o paraíso porque xa non existe”, lamenta Maite.

Algúns seguidores de Xaquín Marín comentan unha viñeta que nos advirte do galopante deterioro do medio ambiente, da falta de sensibilidade na planificación do territorio, da incomprensible deriva á que nos conduce a industrialización desmedida, a sobreexplotación dos recursos naturais.

No noso concello, seica o BNG enarbola a bandeira do ecoloxismo no seu boletín informativo. Un boletín distribuido a todo o alto, ancho e profundo de Marín, pero que non chegou aínda ata os habitantes do contorno do Monte Pituco. Un boletín presentado pola plana local nacionalista -Celso Milleiro e os cinco concelleiros- ás portas da Casa Consistorial, como quen posa triunfalmente para as revistas do “cuore” ante a súa gran mansión de luxo, pero que unha semana despois non se atopa -nin se atopará- alí onde a alongada sombra do BNG pretende destruir, contaminar, arrasar, arruinar, devastar e intoxicar un espazo natural e arqueolóxico. Propaganda surrealista e pura fachenda. Dignos compañeiros de viaxe dun alcalde que atende de malas maneiras por teléfono e que recibe a pé de escalón.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: